ଭିଓଭି (ଭୁବନେଶ୍ବର): ଗତ ରବିବାର ଦିନ ଓଡିଶା ରାଜ୍ୟ ଇଲେକ୍ଟ୍ରୋହୋମିଓପାଥିକ ଚିକିତ୍ସକ ସଂଘର କର୍ମକର୍ତ୍ତା ନିର୍ବାଚନ ଭୁବନେଶ୍ୱର ଠାରେ ଅନୁଷ୍ଠିତ ହୋଇ ଯାଇଛି। ଏଥିରେ ସର୍ବ ସମ୍ମତି କ୍ରମେ ଡାକ୍ତର ସରୋଜ କୁମାର ସାହୁ ସଭାପତି ଏବଂ ଡାକ୍ତର ପର୍ଶୁରାମ ଖଟୁଆ ସମ୍ପାଦକ ଭାବେ ପୁନଃର୍ବାର ନିର୍ବାଚିତ ହୋଇଛନ୍ତି। ଏଥି ସହିତ ବୈଷୟିକ କମିଟି ଅଧ୍ୟକ୍ଷ ଭାବେ ଡାକ୍ତର କମଳାକାନ୍ତ ନାୟକ, ଯୁଗ୍ମ ସମ୍ପାଦକ ଭାବରେ ଡାକ୍ତର ରଶ୍ମିରଞ୍ଜନ ମହାରଥା ଏବଂ ଡାକ୍ତର ଅବନ୍ତୀ ଦାସମହାପାତ୍ର ଙ୍କୁ ଏବଂ ଗଣମାଧ୍ୟମ ସଂଯୋଜକ ଭାବରେ ଡାକ୍ତର ରଣଜିତ୍ ପଟ୍ଟନାୟକ ଙ୍କୁ ସର୍ବ ସହମତି କ୍ରମେ ମନୋନୀତ କରାଯାଇଅଛି। ଉକ୍ତ ବୈଠକରେ ଆଗାମୀ ଜାନୁଆରୀ ୨୧ ତାରିଖ ବାର୍ଷିକ ଉତ୍ସବ ଅବସରରେ ଅୟୋଜିତ ହେବାକୁ ଥିବା ଜାତୀୟ ସ୍ତରୀୟ ସମ୍ମିଳନୀ ପରିଚାଳନା ପାଇଁ ରଣନୀତି ପ୍ରସ୍ତୁତ କରାଯାଇ ବିଭିନ୍ନ କମିଟି ମାନ ଗଠନ କରାଯାଇଥିଲା।
ରାଜ୍ୟ ର କୋଣ ଅନୁକୋଣରୁ ପ୍ରାୟ ୨୦୦ରୁ ଉର୍ଦ୍ଧ୍ବ ଡାକ୍ତର ଏଥିରେ ଯୋଗଦାନ କରିଥିଲେ।
