ରୋଟାରୀ ବରିଷ୍ଠ ନାଗରିକ ସମ୍ମାନ ପ୍ରଦାନ

କଟକ (ଭିଓଭି): ରୋଟାରୀ ଜିଲ୍ଲା ଏବଂ କଟକର ସମସ୍ତ ରୋଟାରୀ କ୍ଲବ୍, ବରିଷ୍ଠ ନାଗରିକଙ୍କ ପାଇଁ ଏକ ପୁରସ୍କାର ପ୍ରଦାନ ଉତ୍ସବ ଆୟୋଜିତ ହୋଇଯାଇଛି। ରୋଟାରୀ ୩୨୬୨ଜିଲ୍ଲା ଗଭର୍ଣ୍ଣରଙ୍କ ଦ୍ୱାରା ମୋଟ ୪୨ଜଣ ବରିଷ୍ଠ ନାଗରିକଙ୍କୁ ସମ୍ମାନିତ କରାଯାଇଛି। କଟକ ବାରବାଟୀର ବିଧାୟିକା ସୋଫିଆ ଫିରଦୌସ୍ ମୁଖ୍ୟ ଅତିଥି ଭାବରେ ଯୋଗଦେଇ ବରିଷ୍ଠ ନାଗରିକମାନଙ୍କୁ ସମ୍ମାନିତ କରିଥିଲେ। ସମ୍ମାନିତ ବ୍ୟକ୍ତିମାନେ ସମାଜ ପ୍ରତି ସେମାନଙ୍କର ସେବା ପାଇଁ ଜଣାଶୁଣା। ରୋଟାରୀ କ୍ଲବ୍ କଟକ କ୍ୟାଣ୍ଟନମେଣ୍ଟ ତରଫରୁ ୫ଜଣ ମାନ୍ୟଗଣ୍ୟ ବରିଷ୍ଠ ନାଗରିକ ଶାନ୍ତିଲତା ପାର୍ହୀ, ଗିରିଶ ଚନ୍ଦ୍ର ପାତ୍ର, ଗୋପାଳ ଚନ୍ଦ୍ର ମହାନ୍ତି, ରାଜ କିଶୋର ବେହେରା ଓ ଅନିରୁଦ୍ଧ ନାୟକଙ୍କୁ ସମ୍ମାନିତ କରାଯାଇଛି। ଏହି ଉତ୍ସବରେ କ୍ଲବ୍ ସେବା ପ୍ରକଳ୍ପର ଅଧ୍ୟକ୍ଷ ରୋଟାରିଆନ ବିଶ୍ୱଜିତ ସେନାପତି ମାର୍ଗଦର୍ଶନ କରିଥିଲେ। ରୋଟାରୀ ୩୨୬୨ଜିଲ୍ଲା ଦ୍ୱାରା ଏହି କାର୍ଯ୍ୟକ୍ରମ ସଫଳତାର ସହିତ ଆୟୋଜିତ ହୋଇଥିଲା।