ଓଡ଼ଗାଁ, 2/4(ଆଦର୍ଶ କୁମାର ପଟ୍ଟନାୟକ): ନୟାଗଡ଼ ଜିଲାର ଆଧ୍ୟାତ୍ମିକ ତୀର୍ଥ କ୍ଷେତ୍ର ଭାବେ ପରିଚିତ ଓଡ଼ଗାଁ ଆଦର୍ଶ ଥାନାରେ ବୁଧବାର ନୂତନ ଆଇଆଇସି ଅଭୟ ବେହେରା କାର୍ଯ୍ୟରେ ଯୋଗ ଦେଇଛନ୍ତି | ସେ ପୂର୍ବରୁ ନରସିଂହପୁରରେ କାର୍ଯ୍ୟକାରିଥିବା ବେଳେ ଜିଲ୍ଲା ପୋଲିସ ହେଡ଼ କ୍ୱାଟରର ଆଦେଶକ୍ରମ ସ୍ଥାନୀୟ ଥାନାରେ ଯୋଗ ଦେଇଛନ୍ତି | ସକାଳେ ସେ କାର୍ଯ୍ୟରେ ଯୋଗ ଦେବା ସହିତ ବିଜେ ଶ୍ରୀରାଘୁନାଥଜିଉଙ୍କୁ ପୂଜାର୍ଚନା କରିବା ସହିତ ଦର୍ଶନ କରିଥିଲେ | ଦିନ ସାରା ବିଭିନ୍ନ ସଂଗଠନ କର୍ମକର୍ତା ଆଇଆଇସିଙ୍କୁ ଭେଟିଥିବା ବେଳେ ସନ୍ଧ୍ୟାରେ ବରିଷ୍ଠ ଖବରଦାତା ମାନେ ସୌଜନ୍ୟ ମୂଳକ ସାକ୍ଷାତ କରିଥିଲେ |
ଏହି ଅବସରରେ ସ୍ଥାନୀୟ ଅଂଚଳରେ ଟ୍ରାଫିକ ନିୟନ୍ତ୍ରଣ, ବଜାର ରାସ୍ତାରୁ ଜବରଦଖଲ ଉଛେଦ, ପେଟ୍ରୋଲିଂକୁ କଡାକଡି କରିବା ବ୍ୟତିରେକ 6 ତାରିଖରୁ ଆରମ୍ଭ ହେଉଥିବା 10ଦିନ ବ୍ୟାପୀ ପ୍ରସିଦ୍ଧ ଶ୍ରୀରାମ ନବମୀ ଯାତ୍ରା ସୁପରିଚାଳନାକୁ ଗୁରୁତ୍ୱାରୋପ କରିଛନ୍ତି | ଏସବୁ ନିମନ୍ତେ ସ୍ଥାନୀୟ ବୁଦ୍ଧିଜୀବୀ , ବଜାର କମିଟି ସଦସ୍ୟ ଓ ଖବରଦାତାଙ୍କ ସହଯୋଗ କାମନା କରିଛନ୍ତି
