ନୂଆଦିଲ୍ଲୀ : ଦେଶରେ ନୁହେଁ ବରଂ ସାରା ବିଶ୍ବରେ ଆଜି ଅର୍ଥାତ୍ ୨୧ ଜୁନକୁ ୧୧ତମ ଅନ୍ତର୍ଜାତୀୟ ଯୋଗ ଦିବସ ପାଳନ କରାଯାଉଛି । ସାରା ବିଶ୍ବ ଯୋଗମୟ ହୋଇଯାଇଛି । ଏହାକୁ ନେଇ ସମସ୍ତଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି । ଯୋଗ କେବଳ ଶାରୀରିକ ନୁହେଁ ବରଂ ମାନସିକ ଶାନ୍ତି ମଧ୍ୟ ଦେଇଥାଏ । ଯାହା ଆମ ଶରୀର ଉପରେ ସକରାତ୍ମକ ପ୍ରଭାବ ପକାଇବାରେ ବଡ଼ ଭୂମିକା ଗ୍ରହଣ କରିଥାଏ ।
ଏହି ଯୋଗ ଦିବସ ଅବସରରେ ଆନ୍ଧ୍ରପ୍ରଦେଶ ବିଶାଖାପାଟଣାର ବେଳାଭୂମିରେ ଲୋକଙ୍କ ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାମିଲ ହୋଇ ଯୋଗ କରିଥିଲେ । ଏହା ପୂର୍ବରୁ ପ୍ରଧାନମନ୍ତ୍ରୀ ପ୍ରଥମେ ଯୋଗ ଦିବସ କାର୍ଯ୍ୟକ୍ରମ ସମ୍ବୋଧିତ କରି ଏହି ଯୋଗ ଦିବସ ଅବସରରେ ଯୋଗର ମହତ୍ତ୍ବକୁ ବୁଝାଇଛନ୍ତି । ଏହାରି ମଧ୍ୟରେ ସରକାରଙ୍କ ପକ୍ଷରୁ ୧୦ଟି କାର୍ଯ୍ୟକ୍ରମ ଘୋଷଣା କରାଯାଇଛି । ଯାହା ଦ୍ବାରା ସହଜରେ ଲୋକଙ୍କ ପାଖରେ ପହଞ୍ଚି ପାରିବ ।
ଏଥି ସହିତ ଅନ୍ତର୍ଜାତୀୟ ଯୋଗ ଦିବସ ଅବସରରେ, ପ୍ରଧାନମନ୍ତ୍ରୀ ମୋଦୀ ପୋଷ୍ଟ କରି କହିଛନ୍ତି ଯେ, ଯୋଗ କେବଳ ଏକ ବ୍ୟାୟାମ ନୁହେଁ। ପ୍ରଧାନମନ୍ତ୍ରୀ ଯୋଗକୁ ଜୀବନର ଏକ ଉପାୟ ଭାବରେ ବର୍ଣ୍ଣନା କରିଛନ୍ତି । “ଏଭରେଷ୍ଟ ଶିଖର ହେଉ କିମ୍ବା ସମୁଦ୍ର, ଯୋଗ ସମସ୍ତଙ୍କ ପାଇଁ” । ମୁଁ ବିଶ୍ୱବାସୀଙ୍କୁ ଏହି ଯୋଗ ଦିବସକୁ ମାନବତା ପାଇଁ ଯୋଗ ଆରମ୍ଭ ଭାବରେ ପାଳନ କରିବାକୁ ଅନୁରୋଧ କରୁଛି । ଯୋଗ ଆମକୁ ବିଶ୍ୱ ସହିତ ଏକତା ଆଡ଼କୁ ନେଇଯାଏ । ଯୋଗ ସୀମା, ବୟସ କିମ୍ବା କ୍ଷମତା ବାହାରେ ସମସ୍ତଙ୍କ ପାଇଁ ଗୁରୁତ୍ୱପୂର୍ଣ୍ଣ । ମୋଦି ପରେ ସ୍ୱେଚ୍ଛାସେବକମାନଙ୍କ ସହିତ ଯୋଗ ମଧ୍ୟ କରିଥିଲେ । “କେବଳ ଭାରତରେ ନୁହେଁ ବରଂ ସାରା ବିଶ୍ୱରେ ଯୋଗକୁ ଲୋକପ୍ରିୟ କରିବା ପାଇଁ ମୁଁ ଆମର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଉଛି ବୋଲି କହିଥିଲେ ଆନ୍ଧ୍ର ପ୍ରଦେଶର ମୁଖ୍ୟମନ୍ତ୍ରୀ ।
ଅନ୍ୟପଟେ ଯୋଗ ଦିବସ ପାଇଁ ବିଶାଖାପାଟଣା ଆରକେ ବିଚ୍ ଠାରୁ ଭୋଗାପୁରମ ପର୍ଯ୍ୟନ୍ତ ୨୬ କିଲୋମିଟର ମଧ୍ୟରେ ଏହାର ବ୍ୟାପକ ବ୍ୟବସ୍ଥା କରାଯାଇଛି । ଏହି ବିଶେଷ କାର୍ଯ୍ୟକ୍ରମ ସକାଳ ୬.୩୦ ଆରମ୍ଭ ହୋଇଥିଲା । ଯାହା ‘ଯୋଗ ସଙ୍ଗମ’ ପଦକ୍ଷେପ ଅଧୀନରେ ଦେଶର ୧୦ ଲକ୍ଷରୁ ଅଧିକ ସ୍ଥାନ ସହିତ ସମନ୍ୱୟ ରକ୍ଷା କରିବ । ବିଶ୍ୱ ସ୍ତରରେ, ଯୋଗ ଏବେ ଏକ ଗଣ ଆନ୍ଦୋଳନରେ ପରିଣତ ହୋଇଛି ।
