ବାଲେଶ୍ଵର (ଭିଓଭି) ୪/୧୧ : – ରେମୁଣା ସ୍ଥିତ କ୍ଷୀରଚୋରା ମନ୍ଦିର ପ୍ରାଙ୍ଗଣରେ ଶ୍ରୀ ଶ୍ରୀ କ୍ଷୀରଚୋରା ରାମାୟଣ ପ୍ରଚାରିଣୀ ସମିତି ପକ୍ଷରୁ ଶ୍ରୀରାମ ଚରିତ ମାନସ ନବାହ୍ନ ପାରାୟଣ ଓ ପ୍ରବଚନ କାର୍ଯ୍ୟକ୍ରମ ମହାସମାରୋହରେ ପାଳିତ ହୋଇଯାଇଛି । ଅକ୍ଟୋବର ୨୬ ତାରିଖ ଠାରୁ ଆରମ୍ଭ ହୋଇ ନଭେମ୍ବର ୩ ତାରିଖ ପର୍ଯ୍ୟନ୍ତ ୯ ଦିନ ବ୍ୟାପୀ ପ୍ରତ୍ୟେହ ୭ ଘଟିକା ଠାରୁ ହନୁମାନ ଚାଳିଶା ପାଠ ଓ ପୂଜା ପରେ ଗ୍ରନ୍ଥ ପାରାୟଣ ସନ୍ଥ ମହାତ୍ମା ଙ୍କ ଦ୍ୱାରା ଅନୁଷ୍ଠିତ ହେଉଥିଲା । ସନ୍ଧ୍ୟା ୭ . ୩୦ ରୁ ରାତ୍ରି ୧୦ .୩୦ ପର୍ଯ୍ୟନ୍ତ ପ୍ରବଚନ କାର୍ଯ୍ୟକ୍ରମ କରାଯାଉଥିଲା ।
ଚାରଣ ପଣ୍ଡିତ ହରିହର ଜେନା ( ପୁରୀ ) ୨୬/୧୦ ଠାରୁ ୨୮/୧୦ ପର୍ଯ୍ୟନ୍ତ , ପଣ୍ଡିତ ମୃତ୍ୟୁଞ୍ଜୟ ଚୈ।ଧୁରୀ ( ଭୁବନେଶ୍ୱର ) ୨୯/୧୦ ଠାରୁ ୩୧/୧୦ ପର୍ଯ୍ୟନ୍ତ , ଏବଂ ପଣ୍ଡିତ ବିନୋଦ ବିପିନ୍ ବିହାରୀ ସାମଲ ( ଢେଙ୍କାନାଳ) ୧/୧୧ ଠାରୁ ୩/୧୧ ପର୍ଯ୍ୟନ୍ତ ପରମ କାରୁଣିକ ମର୍ଯ୍ୟାଦା ପୁରୁଷୋତ୍ତମ ଶ୍ରୀ ଶ୍ରୀ ରାମଚନ୍ଦ୍ର ଙ୍କ ର ଚରିତ ବ୍ୟାଖ୍ୟାନ କରି ଭକ୍ତ ମାନଙ୍କୁ ଆପ୍ୟାୟିତ କରିଥିଲେ । ୩/୧୧ ରିଖ ରେ ଶ୍ରୀ ରାମଚରିତ ମାନସର ପୂର୍ଣ୍ଣିହୁତି କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ସମିତିର ସଭ୍ୟବୃନ୍ଦ ସୁପରିଚାଳନା କରିଥିଲେ ।
