ରଣପୁର, ୨୯/୦୬: ନୟାଗଡ଼ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଆଜି ରଣପୁର ବ୍ଲକ ମୁଖ୍ୟାଳୟ ଠାରେ ଜନ ଶୁଣାଣି ଶିବିର ଅନୁଷ୍ଠିତ ହୋଇଥିଲା। ଏହି ଜନ ଶୁଣାଣି ଶିବିରରେ ମୋଟ ୨୧୩ଟି ଆବେଦନ ଗ୍ରହଣ କରାଯାଇଥିଲା।ପ୍ରାପ୍ତ ଆବେଦନ ମଧ୍ୟରୁ ୨୦୦ଟି ବ୍ୟକ୍ତିଗତ ସମସ୍ୟା, ୬ଟି ଗ୍ରାମର ସାମୂହିକ ସମସ୍ୟା, ୫ଟି ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠି ସମ୍ବନ୍ଧୀୟ ଏବଂ ୨ଟି ରେଡ୍ କ୍ରସ୍ ସହାୟତା ସମ୍ବନ୍ଧୀୟ ଆବେଦନ ରହିଥିଲା।ଶିବିରରେ ବିଭିନ୍ନ ବିଭାଗର ଅଧିକାରୀମାନେ ଉପସ୍ଥିତ ରହି ଲୋକଙ୍କ ଅଭିଯୋଗ ଶୁଣିଥିଲେ।
ମୋଟ ପ୍ରାପ୍ତ ଆବେଦନ ମଧ୍ୟରୁ ୬୬ଟି ମାମଲାର ତୁରନ୍ତ ସମାଧାନ କରାଯାଇଥିବା ବେଳେ ଅବଶିଷ୍ଟ ଆବେଦନଗୁଡ଼ିକୁ ଆବଶ୍ୟକୀୟ କାର୍ଯ୍ୟାନୁଷ୍ଠାନ ପାଇଁ ସମ୍ପୃକ୍ତ ବିଭାଗକୁ ପଠାଯାଇଛି।ଜନସାଧାରଣଙ୍କ ସମସ୍ୟାର ଶୀଘ୍ର ସମାଧାନ ଓ ପ୍ରଶାସନକୁ ଲୋକଙ୍କ ନିକଟତର କରିବା ଉଦ୍ଦେଶ୍ୟରେ ଏଭଳି ଜନ ଶୁଣାଣି ଶିବିର ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି। ଶିବିରରେ ବହୁ ସଂଖ୍ୟକ ଜନସାଧାରଣ ଉପସ୍ଥିତ ରହି ସେମାନଙ୍କ ଅଭିଯୋଗ ଓ ସମସ୍ୟା ଉପସ୍ଥାପନ କରିଥିଲେ।
