ବାଲେଶ୍ଵର (ଭିଓଭି) ୧୪/୭ : – ଗତ ୨୫/୬ ରିଖରେ ଅରଡବଜାର ସ୍ଥିତ ନିଜ ବାସଭବନ ଠାରେ ହମିଦ୍ ଙ୍କୁ ଗୁଳିକରି ହତ୍ୟା କରାଯାଇଥିଲା । ୧୮ ଦିନ ପରେ ସହଦେବଖୁଣ୍ଟା ପୋଲିସ ୬ ଜଣ ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଛି । ଅଭିଯୁକ୍ତଙ୍କ ଠାରୁ ଗୋଟିଏ ଦେଶି ପିସ୍ତଲ , ମାଉଜର, ୪ଟି ମୋବାଇଲ , ଗୋଟେ ଭୁଜାଲି , ଫାର୍ସା , ଏବଂ ବାଇକ୍ ଜବତ କରାଯାଇଛି । ଅପରାଧିମାନେ ହମିଦ୍ ଙ୍କୁ ହତ୍ୟା କରିବା ପାଇଁ ଗତ ୨୩ ତାରିଖରେ ପ୍ରଥମେ ଉଦ୍ୟମ କରି ବିଫଳ ହୋଇଥିଲେ ।
୨୫ ତାରିଖ ରେ ଯୋଜନା ରେ ସଫଳ ହୋଇଥିଲେ ବୋଲି ଜିଲ୍ଲା ଏସପି ପ୍ରତ୍ୟୁଷ ଦିବାକର ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି । ୨ ସୁଟର ଙ୍କ ମଧ୍ୟରୁ ସିପୁ ଓରଫ୍ ମହେଶ୍ୱର ବେହେରା ପୂର୍ବରୁ ଆତ୍ମସମର୍ପଣ କରିଥିବା ବେଳେ ପ୍ରକାଶ ରାଜ କୁ ପୋଲିସ ଆଜି ଗିରଫ କରିଛି । ହତ୍ୟାକାଣ୍ଡ ରେ ସହଯୋଗ କରିଥିବା ପପୁନ ସିଂ , ରାଜେଶ ପାତ୍ର , ଦୀପକ ପାତ୍ର , ବିଜୟ ମହାଳିକ ଏବଂ ସିପୁ ର ଭାଇ ଦୀପୁ ଓରଫ୍ ଦୀପକ ବେହେରା ଙ୍କୁ ଗିରଫ କରାଯାଇଛି ବୋଲି ଏସପି ସୂଚନା ଦେଇଛନ୍ତି । ମାତ୍ର ହତ୍ୟାକାଣ୍ଡ ର କାରଣ ଏ ପର୍ଯ୍ୟନ୍ତ ଅସ୍ପଷ୍ଟ ରହିଛି ।
