ପଶ୍ଚିମବଙ୍ଗ : ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ତଥା ଟିଏମସି ମୁଖ୍ୟ ମମତା ବାନାର୍ଜୀଙ୍କ ଝିଆରୀଙ୍କ ସନ୍ଦେହଜନକ ମୃତ୍ୟୁ ହୋଇଛି । ବୀରଭୂମିର ରାମପୁରହାଟର କୁସୁମ୍ବା ଗାଁରେ ତାଙ୍କ ଘରୁ ମୃତଦେହ ଉଦ୍ଧାର କରାଯାଇଛି । ପୋଲିସ ଏକ ଅପମୃତ୍ୟୁ ମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ବ୍ରିଷ୍ଟି ବିଗତ ୪/୫ ବର୍ଷ ହେଲାଣି ଡିପ୍ରେସନରେ ରହିଥିଲେ । ତାଙ୍କର ଚିକିତ୍ସା ମଧ୍ୟ ଚାଲିଥିଲା ।
ଖବର ମୁତାବକ, ବୃଷ୍ଟି ମୁଖାର୍ଜୀ ମମତାଙ୍କ ସମ୍ପର୍କୀୟ ଭାଇ ନିହାର ରଞ୍ଜନ ମୁଖାର୍ଜୀଙ୍କ ଝିଅ । ମଙ୍ଗଳବାର ଘରର ଦ୍ୱିତୀୟ ମହଲାର ଏକ କୋଠରୀରେ ବୃଷ୍ଟିଙ୍କ ମୃତଦେହ ମିଳିଥିଲା । ବୃଷ୍ଟିଙ୍କ ବୟସ ୨୮ ବର୍ଷ ଥିଲା ଏବଂ ସେ ବୋଲପୁରରେ ଉଚ୍ଚ ପ୍ରାଥମିକ ସ୍କୁଲରେ କ୍ଲର୍କ ଭାବେ କାମ କରୁଥିଲେ । ୨୦୨୩ ମାର୍ଚ୍ଚରେ କଲିକତା ହାଇକୋର୍ଟଙ୍କ ନିର୍ଦ୍ଦେଶରେ, ନିଯୁକ୍ତି ପ୍ରକ୍ରିୟାରେ ଅନିୟମିତତା ଅଭିଯୋଗ ଯୋଗୁଁ ୨୬୦୦୦ ଶିକ୍ଷକ ଏବଂ ଅଣଶିକ୍ଷକଙ୍କ ଚାକିରି ଯାଇଥିଲା । ସେହି ସମୟରେ ବ୍ରିଷ୍ଟି ମଧ୍ୟ ଚାକିରି ହରାଇଥିଲେ । ରାମପୁରହାଟ ପୋଲିସ ଘଟଣାକୁ ନେଇ ଯାଞ୍ଚ ଆରମ୍ଭ କରିଛି । ପୋଲିସ ତଦନ୍ତ କରି ସତ୍ୟତା ଜାଣିବାକୁ ଚେଷ୍ଟା କରୁଛି ।
ସୂଚନାଯୋଗ୍ୟ, ଦୁଇ ସପ୍ତାହ ପରେ ପୂର୍ବ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବରିଷ୍ଠ ନେତା ତଥା ରାମପୁରହାଟରୁ ୫ ଥର ବିଧାୟକ ହୋଇଥିବା ଆଶିଷ ବାନାର୍ଜୀଙ୍କ ମୃତଦେହ ପାର୍ଟି କାର୍ଯ୍ୟାଳୟରେ ମିଳିଥିଲା । ପୋଲିସ ଘଟଣା ସ୍ଥଳରୁ ଏକ ନୋଟ୍ ଜବତ କରିଥିଲା ।
