ଇମ୍ଫାଲ : ମଣିପୁରର ରାଜଧାନୀ ଇମ୍ଫାଲରେ ସନ୍ଦିଗ୍ଧ ଫୁଡ୍ ପଏଜନିଂ ଯୋଗୁଁ ସୀମା ସୁରକ୍ଷା ବଳର ୭୫ ଜଣ ଯବାନଙ୍କ ସମେତ ମୋଟ ୭୮ ଜଣ ଅସୁସ୍ଥ ହୋଇପଡ଼ିଛନ୍ତି । ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ବାନ୍ତି ଓ ମୁଣ୍ଡ ବୁଲାଇବା ଭଳି ଲକ୍ଷଣ ଦେଖାଦେବା ପରେ ସେମାନଙ୍କୁ ଇମ୍ଫାଲର ରିଜିଓନାଲ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସେସ୍ (RIMS)କୁ ନିଆଯାଇଥିଲା ।
ସୂଚନା ମୁତାବକ, ଗୁରୁବାର ଅପରାହ୍ନରେ ଅସୁସ୍ଥ ଯବାନ ଓ ତିନି ଜଣ ସାଧାରଣ ନାଗରିକଙ୍କୁ ହସ୍ପିଟାଲ ଅଣାଯାଇଥିଲା । ସକାଳେ ଜଳଖିଆ ଖାଇବା ପରେ ସେମାନଙ୍କ ସ୍ୱାସ୍ଥ୍ୟାବସ୍ଥା ବିଗିଡିଯାଇଥିଲା । ସମସ୍ତ ରୋଗୀଙ୍କୁ ଜରୁରୀକାଳୀନ ବିଭାଗରେ ତୁରନ୍ତ ଚିକିତ୍ସା ଯୋଗାଇ ଦିଆଯାଇଛି । ବର୍ତ୍ତମାନ ସମସ୍ତଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ପ୍ରାଥମିକ ଭାବେ ଏହାକୁ ସନ୍ଦିଗ୍ଧ ଫୁଡ୍ ପଏଜନିଂ ବୋଲି ଅନୁମାନ କରାଯାଉଛି ।
ମଣିପୁରରେ ବଟି ଆଦାୟ କାର୍ଯ୍ୟକଳାପରେ ସମ୍ପୃକ୍ତ ଥିବା ଅଭିଯୋଗରେ ନିଷିଦ୍ଧ ସଂଗଠନ ସହ ଜଡ଼ିତ ଦୁଇ ଜଣ ଉଗ୍ରବାଦୀଙ୍କୁ ସୁରକ୍ଷା ବଳ ଗିରଫ କରିଛି। ବୁଧବାର ପୋଲିସ ଏହି ସୂଚନା ଦେଇଛି ।
