ଓଡିଶା ବିଧାନସଭା ନିର୍ବାଚନ: ତିନି ମୁଖ୍ୟ ଦଳର ସଭାପତି ଦେଖିଲେ ପରାଜୟର ମୁହଁ

ଭୁବନେଶ୍ବର (ଭିଓଭି): ସଦ୍ୟ ସମାପ୍ତ ଓଡିଶା ବିଧାନସଭା ନିର୍ବାଚନରେ ତିନି ପ୍ରମୁଖ ଦଳର ସଭାପତିଙ୍କୁ ପରାଜୟର ମୁହଁ ଦେଖିବାକୁ ପଡିଛି। କଂଗ୍ରେସ ସଭାପତି ଶରତ ପଟ୍ଟନାୟକ ନୂଆପଡା ନିର୍ବାଚନ ମଣ୍ଡଳୀରେ ଶୋଚନୀୟ ପରାଜୟ ବରଣ କରଛନ୍ତି। ବିଜେପି ସଭାପତି ମନମୋହନ ସାମଲ ଚାନ୍ଦବାଲି ନିର୍ବାଚନ ମଣ୍ଡଳୀରୁ ସ୍ଵଳ୍ପ ବ୍ୟବଧାନରେ ପରାଜୟ ଲଭିଛନ୍ତି। ସେହିପରି ବିଜେଡି ଦଳର ସଭାପତି ତଥା ମୁଖ୍ୟମନ୍ତ୍ରୀ ହିଞ୍ଜିଳିରୁ ଜିତିଥିଲେ ମଧ୍ୟ କଣ୍ଟାବାଞ୍ଝି ନିର୍ବାଚନ ମଣ୍ଡଳୀରୁ ହାରିଯାଇଛନ୍ତି। ଏହିପରି ଭାବରେ ତିନି ପ୍ରମୁଖ ଦଳର ସଭପତି ଏଥର ବିଧାନସଭା ନିର୍ବାଚନରେ ପରାଜୟର ମୁହଁ ଦେଖିଛନ୍ତି।