ବାଲିପାଟଣା (ଭିଓଭି): ବନ୍ତୁ ଉଚ୍ଚ ବିଦ୍ୟାଳୟ ୧୯୯୨ ମସିହା ମାଟ୍ରିକ୍ ଛାତ୍ରଛାତ୍ରୀ ମାନଙ୍କର ବନ୍ଧୁମିଳନ କାର୍ଯ୍ୟକ୍ରମ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ବିଦ୍ୟାଳୟରେ ସମସ୍ତ ପୁରାତନ ଛାତ୍ର ଛାତ୍ରୀ ଅଂଶ ଗ୍ରହଣ କରିଥିଲେ । କାର୍ଯ୍ୟକ୍ରମକୁ ବିଦ୍ୟାଳୟର ସମସ୍ତ ଅବସର ପ୍ରାପ୍ତ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ଅତିଥି ଭାବେ ନିମନ୍ତ୍ରଣ କରାଯାଇଥିଲା । ଅବସର ପ୍ରାପ୍ତ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ମାଲ୍ୟାପଣ କରି ମଞ୍ଚ ନିକଟକୁ ଛାତ୍ରଛାତ୍ରୀମାନେ ପାଛୋଟି ନେଇଥିଲେ । ସେତେବେଳର ଶିକ୍ଷକ ଶିକ୍ଷୟତ୍ରୀଙ୍କୁ ପାଖରେ ପାଇଁ ସମସ୍ତେ ଆତ୍ମ ବିଭୋର ହୋଇ ଯାଇଥିଲେ । ଅବସର ପ୍ରାପ୍ତ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ପୁଷ୍ପ ଗୁଛ ଦେଇ ସମ୍ମାନିତ କରା ଯାଇଥିଲା । ଶିକ୍ଷକ ଗଙ୍ଗାଧର ସେନାପତି, ବିଚିତ୍ରା ନନ୍ଦ ପଳେଇ, ଅମିତା ସେନାପତି, ନିରଞ୍ଜନ ସ୍ୱାଇଁ, ବାସୁଦେବ ସହୁ, ରବିନ୍ଦ୍ର ସ୍ବାଇଁ, ଦିଲ୍ଲୀପ ସ୍ବାଇଁ, ଯତୀନ୍ଦ୍ର ବିଶ୍ଵାଳ, ସୁରେନ୍ଦ୍ର ଶତପଥୀ ପ୍ରମୁଖ ଯୋଗ ଦେଇ ଥିଲେ । ମଞ୍ଚରେ ସମସ୍ତ ଗୁରୁ ମାନଙ୍କର ଗୁରୁ ପୂଜନ କରାଯିବା ସହ ସମସ୍ତ ଛାତ୍ରଛାତ୍ରୀ ଗୁରୁଆଶୀର୍ବାଦ ନେଇଥିଲେ । କାର୍ଯ୍ୟକ୍ରମରେ ସରୋଜ ପାଢ଼ୀ, ସନ୍ତୋଷ ସ୍ବାଇଁ, ଭଜ଼ଜୀ ବିଶ୍ଵାଳ, ଲୁନା ପତି, ଭୀମସେନ ଭୋଇ ପ୍ରମୁଖ ସଭା ପରିଚାଳନା କରିଥିଲେ ।
ପୁରାତନ ଛାତ୍ରଛାତ୍ରୀଙ୍କ ବନ୍ଧୁମିଳନ
