ନୂଆଦିଲ୍ଲୀ: ଆଜି ଦିଲ୍ଲୀ ବିଧାନସଭା ଅଧିବେଶନର ତୃତୀୟ ଦିନ। ଏହି ସମୟରେ ବିରୋଧୀ ଦଳ ଆମ୍ ଆଦମୀ ପାର୍ଟି (ଏଏପି) ର ବିଧାୟକମାନଙ୍କୁ ଦିଲ୍ଲୀ ବିଧାନସଭା ପରିସରରେ ପ୍ରବେଶ ବନ୍ଦ କରାଯାଇଛି। ଅଧିବେଶନର ଦ୍ୱିତୀୟ ଦିନରେ ୨୧ ଜଣ AAP ବିଧାୟକଙ୍କୁ ସମଗ୍ର ଅଧିବେଶନ ପାଇଁ ନିଲମ୍ବିତ କରାଯାଇଥିଲା। ବର୍ତ୍ତମାନ ସେମାନଙ୍କୁ ପରିସରରେ ପ୍ରବେଶ କରିବାକୁ ମଧ୍ୟ ବାରଣ କରାଯାଇଛି। ଏ ସମ୍ପର୍କରେ ବିରୋଧୀ ଦଳର ନେତା ଆତିଶୀ ବିଜେପିର ରେଖା ଗୁପ୍ତା ସରକାର ଉପରେ ଆକ୍ରମଣ କରୁଛନ୍ତି। AAP ନେତା ଆତିଶୀ ଅଭିଯୋଗ କରିଛନ୍ତି ଯେ, AAP ବିଧାୟକମାନେ ‘ଜୟ ଭୀମ’ ର ସ୍ଲୋଗାନ ଦେଇଛନ୍ତି, ତେଣୁ ସେମାନଙ୍କୁ ଅଧିବେଶନରୁ ନିଲମ୍ବିତ କରାଯାଇଛି। ଆତିଶୀ ସୋସିଆଲ ମିଡିଆ ପ୍ଲାଟଫର୍ମର ପୋଷ୍ଟରେ ଲେଖିଛନ୍ତି ଯେ, ବିଜେପି ସରକାର ଆସିବା ମାତ୍ରେ ଏକ ଛତ୍ରବାଦର ସମସ୍ତ ସୀମା ଲଙ୍ଘିଛନ୍ତି। ‘ଜୟ ଭୀମ’ ର ସ୍ଲୋଗାନ ପାଇଁ ଆମ୍ ଆଦମୀ ପାର୍ଟିର ବିଧାୟକମାନଙ୍କୁ ୩ ଦିନ ପାଇଁ ନିଲମ୍ବନ କରାଯାଇଥିଲା ଏବଂ ଏବେ ବିଧାନସଭା ପରିସରକୁ ଯିବା ପାଇଁ ଅନୁମତି ଦିଆଯାଉନାହିଁ। ଏଭଳି କାର୍ଯ୍ୟ ଦିଲ୍ଲୀ ବିଧାନସଭା ଇତିହାସରେ କେବେ ବି ଘଟିନଥିଲା।
ଯଦି ସେ ଗୃହ ପରିସରରେ ପ୍ରବେଶ କରିବାକୁ ଅନୁମତି ନ ପାଆନ୍ତି, ତେବେ ନିଲମ୍ବିତ ଆମ୍ ଆଦମୀ ପାର୍ଟି ବିଧାୟକ ବାଚସ୍ପତି ବିଜୟ ଗୁପ୍ତାଙ୍କୁ ଭେଟି ପାରନ୍ତି। ଉଲ୍ଲେଖ ଯୋଗ୍ୟ ଯେ, ଅଧିବେଶନର ଦ୍ୱିତୀୟ ଦିନରେ ଯେତେବେଳେ ଉପ ରାଜ୍ୟପାଳ ଭି.କେ ସକ୍ସେନାଙ୍କ ଅଭିଭାଷଣ ଚାଲିଥିଲା, ଆମ୍ ଆଦମୀ ପାର୍ଟି ବିଧାୟକମାନେ ଗୃହରେ ହଙ୍ଗାମା ସୃଷ୍ଟି କରୁଥିଲେ। ଏହି କାରଣରୁ ବାଚସ୍ପତି ସେଠାରେ ଉପସ୍ଥିତ ଥିବା ୨୧ ଜଣ ବିଧାୟକଙ୍କୁ ତିନି ଦିନ ପାଇଁ ନିଲମ୍ବିତ କରିଥିଲେ। ଏହାର ଅବଧି ଆସନ୍ତାକାଲି ପର୍ଯ୍ୟନ୍ତ ରହିଛି। ତେବେ ଅମାନତୁଲ୍ଲା ଖାନ ସେତେବେଳେ ଉପସ୍ଥିତ ନଥିଲେ, ତେଣୁ ତାଙ୍କ ବିରୋଧରେ ନିଲମ୍ବନ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିଲା।
