ନୂଆଦିଲ୍ଲୀ: ଆରମ୍ଭ ହେବାକୁ ଯାଉଛି ଏସିଆ କପ୍ ୨୦୨୫ । ଏସିଆନ୍ କ୍ରିକେଟ୍ କାଉନ୍ସିଲ ଏ ନେଇ ଖେଳସୂଚୀ ଘୋଷଣା କରିଛି । ଏସିଆ କପ୍ ମୁକାବିଲା ପାଇଁ ଏସିସି ଅଧ୍ୟକ୍ଷ ମୋହସିନ ଅଧ୍ୟକ୍ଷ ଶନିବାର ଭେନ୍ୟୁ ଘୋଷଣା କରିଛନ୍ତି । ଏସିଆ କପ୍ ସେପ୍ଟେମ୍ୱର ୯ରୁ ଅଗଷ୍ଟ ୨୮ ମଧ୍ୟରେ ୟୁଏଇରେ ଖେଳାଯିବ । ସେପ୍ଟେମ୍ବର ୨୮ରେ ଦୁବାଇରେ ହେବ ଫାଇନାଲ ଫାଇଟ୍ ।
ଟୁର୍ଣ୍ଣାମେଣ୍ଟରେ ଭାରତ ଓ ପାକିସ୍ତାନ ମଧ୍ୟରେ ଗ୍ରୁପ୍ ମୁକାବିଲା ସେପ୍ଟେମ୍ୱର ୧୪ରେ ଦୁବାଇ ଇଣ୍ଟରନ୍ୟାସନାଲ୍ ଷ୍ଟାଡିୟମରେ ଖେଳାଯିବ । ଟୁର୍ଣ୍ଣାମେଣ୍ଟରେ ଭାରତ ଓ ପାକିସ୍ତାନ ଗୋଟିଏ ଗ୍ରୁପରେ ଅଛନ୍ତି । ତେଣୁ ସେପ୍ଟେମ୍ୱର ୨୧ (ରବିବାର)ରେ ସୁପର୍ ୪ ମୁକାବିଲାରେ ଦୁଇ ଦେଶ ମୁହାଁମୁହିଁ ହୋଇପାରନ୍ତି ।
ସେପ୍ଟେମ୍ୱର ୧୦ରେ ୟୁଏଇ ବିପକ୍ଷରେ ଟିମ୍ ଇଣ୍ଡିଆ ନିଜର ପ୍ରଥମ ମ୍ୟାଚ୍ ଖେଳିବ । ଭାରତର ସମସ୍ତ ମ୍ୟାଚ୍ ଦୁବାଇରେ ହେବାର ସମ୍ଭାବନା ରହିଛି । ଗ୍ରୁପ୍ ଏରେ ଭାରତ, ପାକିସ୍ତାନ, ୟୁଏଇ ଓ ଓମାନ ଅଛନ୍ତି । ଦୁଇ ପାରମ୍ପରିକ ପ୍ରତିନ୍ଦ୍ବନ୍ଦୀ ଭାରତ ଓ ପାକିସ୍ତାନ ମଧ୍ୟରେ ସେପ୍ଚେମ୍ବର ୧୪ରେ ହାଇଭୋଲ୍ଟେଜ ମ୍ୟାଚ ଖେଳାଯିବ । ଦୁବାଇ ଇଣ୍ଟରନ୍ୟାସନାଲ ଷ୍ଚାଡିୟମରେ ଏହି ଲଢେଇ ହେବ । ଭାରତ-ପାକିସ୍ତାନ ଗ୍ରୁପ-ଏରେ ରହିଛନ୍ତି । ଏହା ସହିତ ୟୁଏଇ ଓ ଓମାନ ବି ଅଛନ୍ତି । ଯଦି ଭାରତ-ପାକିସ୍ତାନ ଗ୍ରୁପ ଷ୍ଟେଜ କ୍ୱାଲିଫାଏ କରୁଛନ୍ତି ତେବେ ଦ୍ବିତୀୟ ଥର ସେପ୍ଟେମ୍ବର ୨୧ରେ ମୁହାଁମୁହିଁ ହେବାର ସମ୍ଭାବନା ରହିଛି । ଯଦି ଦୁଇ ଦଳ ଫାଇନାଲରେ ଏଣ୍ଟ୍ରୀ କରୁଛନ୍ତି ତେବେ ତୃତୀୟ ଥର ଟୁର୍ଣ୍ଣାମେଣ୍ଟରେ ମୁହାଁମୁହିଁ ହୋଇପାରନ୍ତି ।
ସେହିପରି ଗ୍ରୁପ୍ ବିରେ ଶ୍ରୀଲଙ୍କା, ବାଂଲାଦେଶ, ଆଫଗାନିସ୍ତାନ ଓ ହଂକଂ ଅଛନ୍ତି । ଏସିସି ଏହି ଟୁର୍ଣ୍ଣାମେଣ୍ଟ ପାଇଁ ୧୭ ସଦସ୍ୟ ବିଶିଷ୍ଟ ଟିମ୍ ଲାଗି ଅନୁମତି ଦେଇଛି । ମ୍ୟାଚ୍ ଦୁବାଇ ଓ ଆବୁ ଧାବିରେ ଖେଳାଯିବ । ଏସିଆ କପ ଟୁର୍ଣ୍ଣାମେଣ୍ଟରେ ମୋଟ୍ ୧୯ଟି ମ୍ୟାଚ ଖେଳାଯିବ ।
ପହଲଗାମ ଆତଙ୍କୀ ଆକ୍ରମଣ ପରେ ଭାରତ -ପାକିସ୍ତାନ ମଧ୍ୟରେ ଉତ୍ତେଜନା ସୃଷ୍ଟି ହୋଇଥିଲା । ଏହି ପାରିମ୍ପରିକ ପ୍ରତିନ୍ଦ୍ବନ୍ଦୀ ଦଳର ମ୍ୟାଚକୁ କ୍ରିକେଟ ପ୍ରେମୀଙ୍କ ମଧ୍ୟରେ ଅଧିକ ଉତ୍ସାହ ରହିଛି ।
