ବାଲେଶ୍ଵର,( ଭିଓଭି ) ୧୦/୭ : – ସ୍ୱାଧୀନ ଜାତୀୟ ଫେଡେରେସନ ଏବଂ କେନ୍ଦ୍ରୀୟ ଶ୍ରମିକ ସଂଗଠନ ମିଳିତ ଭାବରେ ବୁଧବାର ହୋଇଥିବା ଦେଶବ୍ୟାପୀ ଧର୍ମଘଟ ବାଲେଶ୍ଵର ରେ ଶାନ୍ତି ଶୃଙ୍ଖଳାରେ ପାଳିତ ହୋଇଯାଇଛି । ଆନ୍ଦୋଳନକାରୀ ମୋଟର ସାଇକେଲ ଶୋଭାଯାତ୍ରାରେ ବାଲେଶ୍ଵର ରେଳଷ୍ଟେସନ , ବସଷ୍ଟାଣ୍ଡ , ରିକ୍ସାଷ୍ଟାଣ୍ଡ , ଇତ୍ୟାଦି ସ୍ଥାନକୁ ଯାଇ ଯାନବାହାନ ଗୁଡ଼ିକୁ ଅପରାହ୍ନ ପର୍ଯ୍ୟନ୍ତ ଅଟକ ରଖିଥିଲେ । ସେହିପରି ପୈାରକାର୍ଯ୍ୟାଳୟ , ସମସ୍ତ ଜାତୀୟକରଣ ବ୍ୟାଙ୍କ , ମୂଖ୍ୟ ଡାକଘର , ଆରଏମ୍ଏସ , ଜିଲା ଶ୍ରମ ଦପ୍ତର , ଆଞ୍ଚଳିକ ପରିବହନ କାର୍ଯ୍ୟାଳୟ ପ୍ରଭୃତି ବନ୍ଦ ରହିଥିଲା । ସହର ଉପକଣ୍ଠରେ ଥିବା ବିରଳା ଟାୟାର୍ସ ଓ ସୋମନାଥପୁର ଶିଳ୍ପାଞ୍ଚଳରେ ଥିବା କ୍ଷୁଦ୍ର , ମଧ୍ୟମ ଶିଳ୍ପ ସଂସ୍ଥାଗୁଡିକର ଶ୍ରମିକମାନେ ମଧ୍ୟ ଧର୍ମଘଟକୁ ପୂର୍ଣ୍ଣି ସମର୍ଥନ କରିଥିଲେ । ଅଭାବନୀୟ ପରିସ୍ଥିତି ନ ଉପୁଜିବା ପାଇଁ ଜିଲା ପୁଲିସ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଥିଲା ।
ଏହି ଧର୍ମଘଟ ରେ ଶ୍ରମିକ କର୍ମଚାରୀ ମିଳିତ ମଞ୍ଚ ପକ୍ଷରୁ ଅଧ୍ୟକ୍ଷ ପୂର୍ବତନ ବିଧାୟକ ପ୍ରଦୀପ୍ତ ପଣ୍ଡା , ସାଧାରଣ ସଂପାଦକ ଗୈ।ରାଙ୍ଗ ପାଣିଗ୍ରାହୀ , ସ୍ୱାଧୀନ ଫେଡେରେସନ ପକ୍ଷରୁ ଭାଗବତ ପ୍ରତିହାରୀ , ରାଜକିଶୋର ଲେଙ୍କା , ଶ୍ୟାମସୁନ୍ଦର ଜେନା , ଅରୁଣ ସ୍ୱାଇଁ , ବାସନ୍ତୀ ସାମଲ , କୃଷକ ସଂଗଠନ ପକ୍ଷରୁ ନିର୍ମଳ ନାୟକ , ସୀତାଂଶୁ ସେନାପତି , ପ୍ରେମରଞ୍ଜନ ପାତ୍ର ,ବନ୍ଦନା ପାତ୍ର , ପ୍ରଭାବତୀ ଦାସ , ପ୍ରତିଭା ପାଲ , ତପନ ସିଟ , ନାରାୟଣ ପାଣିଗ୍ରାହୀ , କଂଗ୍ରେସ ଏବଂ ବିଜେଡି ରୁ ସଞ୍ଜୀବ ଗିରି , ପୀର ପାଢ଼ୀ , ପ୍ରାକ୍ତନ ବିଧାୟକ ସୁଦର୍ଶନ ଜେନା , ସୁଧାଂଶୁ ପରିଡ଼ା , ସ୍ୱରୂପ ଦାସ , ବାଲେଶ୍ଵର ବାର୍ ଆସୋସିଏସନ୍ ର ପୂର୍ବତନ ସଭାପତି ମନୋଜ ନାୟକ ପ୍ରମୁଖ ଧର୍ମଘଟ ପରିଚାଳନାରେ ସକ୍ରିୟ ଭୂମିକା ଗ୍ରହଣ କରିଥିଲେ ।
