ନୂଆଦିଲ୍ଲୀ: ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡର ଉପାଧ୍ୟକ୍ଷ ରାଜୀବ ଶୁକ୍ଳା ରୋହିତ ଶର୍ମା ଏବଂ ବିରାଟ କୋହଲିଙ୍କ ଅବସରକୁ ସମ୍ପୂର୍ଣ୍ଣ ଭାବରେ ପ୍ରତ୍ୟାଖ୍ୟାନ କରିଛନ୍ତି । ବିରାଟ କୋହଲି ଏବଂ ରୋହିତ ଟେଷ୍ଟ ଏବଂ ଟି-୨୦ରୁ ବାହାରେ ଅଛନ୍ତି । କିନ୍ତୁ ସେମାନେ ଆଇସିସି ବିଶ୍ୱକପ୍ ୨୦୨୭ ପାଇଁ ଖେଳିବାର ଉଦ୍ଦେଶ୍ୟ ରଖିଛନ୍ତି । ଯାହାକୁ ସ୍ପଷ୍ଟ କରିଛନ୍ତି ରୋହିତ ଶର୍ମା । ଦଳରେ ସ୍ଥାନ ପାଇବା ପୂର୍ବରୁ ଯେତିକି ସହଜ ଥିଲା ଏବେ କିନ୍ତୁ ତାହା କଷ୍ଟକର ହେବ । ବର୍ତ୍ତମାନ ଏହି ଅଭିଜ୍ଞ ଖେଳାଳିମାନଙ୍କୁ ସେମାନଙ୍କର ସ୍ଥାନ ପାଇବା ପାଇଁ କଠିନ ପରିଶ୍ରମ କରିବାକୁ ପଡିବ ।
ଗତ କିଛି ଦିନ ପୂର୍ବରୁ ବିରାଟ କୋହଲି ଏବଂ ରୋହିତ ଶର୍ମାଙ୍କୁ ନେଇ ଚର୍ଚ୍ଚା ଉଠିଥିଲା । ଯାହାକୁ ଏବେ ରାଜୀବ ଶୁକ୍ଳା ସମସ୍ତ ଆଲୋଚନାକୁ ସିଧାସଳଖ ଭାବେ ଖାରଜ କରିଛନ୍ତି । ଏହା ଛଡ଼ା ସେ କହିଛନ୍ତି ଯେ, ଉଭୟ ଫିଟ୍ ଅଛନ୍ତି ଏବଂ ଦିନିକିଆ ଖେଳୁଛନ୍ତି । ତଥାପି, ଏହା ଏକ ସହଜ କାମ ନୁହେଁ । କାରଣ ଭାରତ ବିଶ୍ୱକପ୍ ପୂର୍ବରୁ ଅନ୍ୟ କୌଣସି ମ୍ୟାଚ୍ ଖେଳିବେ ନାହିଁ । ଏପରି ପରିସ୍ଥିତିରେ ଫିଟନେସ୍ ରଖିବା ଅଧିକ କଷ୍ଟକର ହୋଇପଡିବ । ଟି-୨୦ ଏବଂ ଟେଷ୍ଟ ମ୍ୟାଚ୍ ଛାଡିଥିବା ଉଭୟ ଖେଳାଳି ଗୋଟିଏ ବର୍ଷରେ କେବଳ କିଛି ଦିନ ପଡ଼ିଆରେ ବିତାଇବେ ।
ଛୁଟିରୁ ଫେରିବା ପରେ ରୋହିତ ଖରାପ ଅବସ୍ଥାରେ ଥିଲେ ଫଳରେ ସେ ସମ୍ପୂର୍ଣ୍ଣ ଅପରିଷ୍କାର ଦେଖାଯାଉଥିଲାବେଳେ ବିରାଟଙ୍କୁ ଧଳା ଦାଢ଼ିରେ ଫ୍ୟାନ୍ସ ଦେଖିବାକୁ ପାଇଥିଲେ । ଯାହା ଅଧିକ ବୟସ ଗଡିଯାଇଥିବା ଭଳି ଅନୁଭବ ହୋଇଥିଲା । ଏହି ଅଭିଜ୍ଞ ଖେଳାଳିମାନେ ଅଧିକ ଦିନ ତିଷ୍ଠିପାରିବେ ନାହିଁ ବୋଲି ଅନୁମାନ କରାଯାଉଥିଲା । ଯେଉଁଥିରେ ଦିନିକିଆ ମ୍ୟାଚରେ ଉଭୟ ଖେଳାଳି ନଜର ଆସିବେ ବୋଲି ସ୍ପଷ୍ଟ କରିଛନ୍ତି । ଆହୁରି ମଧ୍ୟ କହିଛନ୍ତି ଯେ, ସେମାନେ ODI ଖେଳିବେ । ତାଙ୍କର ଏପରି ମନ୍ତବ୍ୟ ଖେଳାଳିଙ୍କ ପ୍ରଶଂସକଙ୍କୁ ଆଶ୍ୱସ୍ତି ଦେଇଛି ।
ଏହା ବ୍ୟତୀତ ରାଜୀବ ଶୁକ୍ଳା କହିଛନ୍ତି ଯେ, “ଆମର ନୀତି ବହୁତ ସ୍ପଷ୍ଟ – ବିସିସିଆଇ କେବେ କୌଣସି ଖେଳାଳିଙ୍କୁ ଅବସର ନେବାକୁ କୁହେ ନାହିଁ । ତାଙ୍କୁ ନିଜର ନିଷ୍ପତ୍ତି ନେବାକୁ ପଡିବ । ଏହି ନିଷ୍ପତ୍ତି ତାଙ୍କୁ ନିଜେ ନେବାକୁ ପଡିବ।’’
