ନୂଆଦିଲ୍ଲୀ: ଗ୍ରୁପ କ୍ୟାପଟେନ ଶୁଭାଂଶୁ ଶୁକ୍ଲା ଅର୍ନ୍ତରାଷ୍ଟ୍ରୀୟ ସ୍ପେସ ଷ୍ଟେସନରୁ ଆସନ୍ତା ୧୪ ତାରିଖରେ ଫେରିବେ । ପୃଥିବୀକୁ ଫେରିବା ପୂର୍ବରୁ ଅନ୍ୟ କ୍ରୁ ସଦସ୍ୟଙ୍କ ସହିତ ପାର୍ଟି କରୁଥିବାର ନଜର ଆସିଛନ୍ତି । ଯାହାର ଫଟୋ ଭାଇରଲ ହେଉଛି । କିଭଳି ସମସ୍ତେ ଉଡ଼ି ଉଡ଼ି ପାର୍ଟି କରୁଛନ୍ତି । ଭାଇରଲ ହେଉଥିବା ଫଟୋରେ ଶୁଭାଂଶୁ ଶୁକ୍ଲା ଏବଂ ତାଙ୍କ ଅନ୍ୟ ସାଥି ଗୁରୁତ୍ବାକର୍ଷଣରେ ଭାସି ଖୁସିରେ ଖାଉଥିବାର ନଜର ଆସିଛନ୍ତି । ଗତକାଲି ନାସା ଘୋଣୋ କରିଛି କି, ଶୁଭାଂଶୁ ଶୁକ୍ଲା ଏବଂ ଅନ୍ୟ ୩ ଜଣ କ୍ରୁ ସଦସ୍ୟ ୧୪ ଜୁଲାଇରେ ଫେରିବେ ।
ନାସା କର୍ମସିଆଲ କ୍ରୁ ପ୍ରୋଗ୍ରାମର ପ୍ରବନ୍ଧକ ଷ୍ଟିଭ ଷ୍ଟିଚ ଏକ ପ୍ରେସ ବିଜ୍ଞପ୍ତିରେ କହିଛନ୍ତି, ଆମେ ଷ୍ଟେସନ ପ୍ରୋଗାମ ଉପରେ କାମ କରୁଛୁ ଏବଂ ଆକ୍ସଓମ-୪ର ପ୍ରଗତି ଉପରେ ନଜର ରଖିଛୁ । ଆମେ ମିଶନକୁ ଅନଡକ୍ କରିବାକୁ ହେବ ଏବଂ ଅନଡକ୍ କରିବାର ବର୍ତ୍ତମାନ ଲକ୍ଷ୍ୟ ୧୪ ଜୁଲାଇ ରହିଛି । ଶୁଭାଂଶୁ ଶୁକ୍ଲା ମହାକାଶରେ ଜଣେ କୃଷକ ଭୂମିକା ନିର୍ବାହ କରିଛନ୍ତି । ସେ ମହାକାଶରେ ମୁଗ ଏବଂ ମେଥି ଚାଷ କରିଛନ୍ତି । ଏହାକୁ ସେ ଆଇଏସଏସର ଫ୍ରିଜରରେ ରଖିଛନ୍ତି ଏବଂ ଏହାର ଫଟୋ ମଧ୍ୟ ସେୟାର କରିଛନ୍ତି ।
ଜୁନ୍ ୨୫ରେ ଆକ୍ସିଅମ୍ -୪ ମିଶନ। ନିର୍ଦ୍ଧାରିତ ସମୟ ୧୨.୧ରେ ଲଞ୍ଚ ହେଲା ଆକ୍ସିଅମ୍ -୪ । ଆମେରିକାର ଫ୍ଲୋରିଡ଼ାସ୍ଥିତ ନାସାର କେନେଡି ସ୍ପେଶ୍ ସେଣ୍ଟରରୁ ଡ୍ରାଗନ ମହାକାଶ ଯାନରେ ଲଞ୍ଚ ହୋଇଛି ବହୁ ପ୍ରତୀକ୍ଷିତ ଆକ୍ସିଅମ୍-୪ ମିଶନ । ସ୍ପେସ ଏକ୍ସ ଫାଲକନ ୯ ରକେଟର ଉତକ୍ଷେପଣ କରାଯାଇଛି । ପ୍ରଥମ ଭାରତୀୟ ମହାକାଶଚାରୀ ଭାବେ ଅନ୍ତର୍ଜାତୀୟ ମହାକାଶ କେନ୍ଦ୍ର-ISSକୁ ଯାଇ ଇତିହାସ ରଚିବେ ଭାରତୀୟ ମହାକାଶଚାରୀ ତଥା ବାୟୁସେନା ଗ୍ରୁପ୍ କ୍ୟାପଟେନ୍ ଶୁଭାଂଶୁ ଶୁକ୍ଲା । ୪୧ ବର୍ଷ ପରେ ୨ୟ ଭାରତୀୟ ଭାବେ ସେ ମହାକାଶକୁ ଯାଇଛନ୍ତି । ଏହି ମିଶନରେ ଶୁଭାଂଶୁଙ୍କ ସହ ଆମେରିକୀୟ ମହାକାଶଚାରୀ ପେଗୀ ହ୍ବିଟସନ୍, ପୋଲାଣ୍ଡର ସ୍ଲାଓଜ୍ ଉଜନାଲସ୍କୀ ଏବଂ ହଙ୍ଗେରୀର ମେକାନିକାଲ ଇଞ୍ଜିନିୟର ଟିବୋର କାପୁ କ୍ରିଉ ସଦସ୍ୟ ଭାବେ ରହିଛନ୍ତି । ୧୪ ଦିନିଆ ମିଶନରେ ଯାଇଛନ୍ତି ସମସ୍ତ ମହାକାଶଚାରୀ ।
