ବାଲେଶ୍ୱର (ଭିଓଭି)୧୯/୨ : – ଓଡ଼ିଶା ସରକାରଙ୍କ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଦ୍ଵାରା ବାଲେଶ୍ଵର ଜିଲ୍ଲା ସାମାଜିକ ସୁରକ୍ଷା ବିଭାଗ ସହଯୋଗରେ ରେମୁଣା ବ୍ଲକରେ ଚତୁର୍ଦ୍ଦଶ ପର୍ଯ୍ୟାୟ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି । ସକାଳେ ଶିବିରକୁ ରେମୁଣା ବ୍ଲକ ଅଧ୍ୟକ୍ଷ ରାଜେନ୍ଦ୍ର ରାଉତ, ବିଡିଓ ସାର୍ଥକ ସୌରଭ ମହାପାତ୍ର ଉଦ୍ଘାଟନ କରିଥିଲେ ।
ଶିବିରରେ ମାନସିକ ଅନଗ୍ରସରତା ବିଭାଗରେ ଡ଼ା. ପ୍ରଦୀପ କୁମାର ନାୟକଙ୍କ , ଅସ୍ଥିଶଲ୍ୟ ବିଭାଗରେ ଡ଼ା. ସୁଦାମ ଚୌଧୁରୀ ଏବଂ ଗୋକୁଳ ଚନ୍ଦ, ଚକ୍ଷୁ ବିଭାଗରେ ଡ଼ା. ସୁଜିତ ନାରାୟଣ ମହାପାତ୍ର ପରୀକ୍ଷା କରାଇଥିଲେ । ଶିବିରକୁ ବ୍ଲକ ସାମାଜିକ ସୁରକ୍ଷା ଅଧିକାରୀ ଅମ୍ବିକା ପୃଷ୍ଟିଙ୍କ ସମେତ ଗ୍ରାମପଞ୍ଚାୟତ ଉନ୍ନୟନ ଅଧିକାରୀ ସତ୍ୟନାରାୟଣ ବିଶ୍ଵାଳ, ବରିଷ୍ଠ ରାଜସ୍ବ ସହାୟକ ଉତ୍ତମ କୁମାର ଦେ ଏବଂ ଅନ୍ୟମାନେ ପରିଚାଳନା କରିଥିଲେ । ବ୍ଲକର ସମସ୍ତ କର୍ମଚାରୀ ଏବଂ ଅଙ୍ଗନବାଡ଼ି କର୍ମୀ ସହଯୋଗ କରିଥିଲେ ।
