ଭୁବନେଶ୍ୱର: ବିଧାନସଭା ଆରମ୍ଭରୁ ଆଜି ଗୃହରେ ହଟ୍ଟହଗୋଳ କରିଥିଲେ ବିରୋଧୀ । ଜାତିଭିତ୍ତିକ ସଂରକ୍ଷଣ ଦାବିରେ ବିଜେଡି ହଙ୍ଗାମା କରି ଧାରଣାରେ ବସିଥିଲା । ବିଜେଡି ନେତା ଅରୁଣ ସାହୁ କହିଥିଲେ, ସରକାର କିଛି ନ ଶୁଣିବାରୁ ଆମେ ଆନ୍ଦୋଳନ କରି ଗେଟ ଆଗରେ ବସିଲୁ । ସରକାର ନ ଶୁଣିଲେ ବିରୋଧୀ କାହିଁକି ଗୃହକୁ ଯିବେ ? SC ST OBCଙ୍କ ୯୪% ଜନସଂଖ୍ୟା, ସେମାନଙ୍କୁ ଅଧିକାର ନ ଦେଲେ, ସରକାରଙ୍କ ଗୃହ ଯିବାର ଅଧିକାର ନାହିଁ । ବୈଷୟିକ ଶିକ୍ଷାରେ ମାତ୍ର ୨୦% ସଂରକ୍ଷଣ ହେଲେ OBCଙ୍କ ପାଇଁ ଶୂନ୍ୟ ସଂରକ୍ଷଣ କଣ ସ୍ୱାଗତଯୋଗ୍ୟ ? ଯେବେ ଜାମୁ କାଶ୍ମୀରରେ SC ST OBC ସଂରକ୍ଷଣକୁ ମୁଖ୍ୟମନ୍ତ୍ରୀ ସ୍ୱାଗତ କଲେ, ତେବେ ଓଡ଼ିଶାରେ କିଛି ନ କରି ଶିଶୁ ସରକାର ହୋଇ ରହିବ ବିଜେପି ।
ସରକାର କହୁଛନ୍ତି ଆଲୋଚନା ପାଇଁ ପ୍ରସ୍ତୁତ, ହେଲେ କରନ୍ତୁ । ଗୃହରେ ସବୁ ଆଲୋଚନା ହେଲେ ବି କାମ କିଛି ହେଉନି । ଏହା ସରକାରଙ୍କ ଦାୟିତ୍ୱ ହେଲେ ନିର୍ବାଚନ ଜିତି ମିଛ କହିବାରୁ ଲୋକଙ୍କ ଆସ୍ଥା ହରାଇଛନ୍ତି । ଆମ ମୁଖ୍ୟମନ୍ତ୍ରୀ ଥିବା ସମୟରେ ୨୦୨୧ କୋଭିଡ୍ ସମୟରେ ଜାତିଭିତ୍ତିକ ଜନଗଣନା ପାଇଁ କେନ୍ଦ୍ରକୁ ଚିଠି ଲେଖିଥିଲେ । କୁମ୍ଭ ମେଳାରେ ମିଛ ୬୫ କୋଟି ଲୋକ ଗଣିଲେ ସରକାର । ହେଲେ ଜାତିଭିତ୍ତିକ ଜନଗଣନା କାହିଁକି କରୁ ନାହାନ୍ତି । ଏହା ହେଲେ ସାମାଜିକ ସମାନତା ଆସିବ, ହେଲେ ସେମାନେ ଡରୁଛନ୍ତି କାଳେ ମୁଖା ଖୋଲିଯିବ । ଜନହିତକର କାର୍ଯ୍ୟକ୍ରମ ସରକାର କରି ନାହାନ୍ତି । କେନ୍ଦ୍ର ସରକାର ପଛଘୁଞ୍ଚା ଦେଉଛନ୍ତି । କେବିକେ ଗ୍ରାଣ୍ଟ କାଟିଲ, ନବୀନ ପଟ୍ଟନାୟକ ବିଜୁ କେବିକେ କଲେ, ବିଆରଜିଏଫ କାଟିଲା କେନ୍ଦ୍ର । ତର୍କ ପାଇଁ ଆସ, ଆସିଲେ ହାରିଯିବେ । ଖସିଯିବାକୁ ଚେଷ୍ଟା କରୁଛନ୍ତି ସରକାରୀ ଦଳ । ଏଭଳି କହି ବିଜେପି ସରକାରଙ୍କୁ ଟାର୍ଗେଟ କରିଛି ବିଜେଡି ।
