ଗଙ୍ଗାଦେବୀ ମୁହାଣରେ ବିପଦପୂର୍ଣ୍ଣ ନୌକାବିହାର

ଅସ୍ତରଙ୍ଗ (ଭିଓଭି ): ବିପଦସଙ୍କୁଳ ଭାବେ ହେଉଛି ନୌକାବିହାର। ନା କିଏ ଅଛି ରୋକିବାକୁ ନା କିଏ ଅଛି କାର୍ଯ୍ୟାନୁଷ୍ଠାନ ନେବାକୁ। ରାଜ୍ୟର ଏକ ପ୍ରମୁଖ ତଥା ପ୍ରସିଦ୍ଧ ପର୍ଯ୍ୟଟନ ସ୍ଥଳୀ ପୀର ଜାହାନିଆଁ ଠାରୁ ତିନି କିଲୋ ମିଟର ଦୂରରେ ଗଙ୍ଗା ଦେବୀ ମନ୍ଦିର ଅବସ୍ଥିତ। ପ୍ରତ୍ୟେକ ଦିନ ଏଠାରେ ପର୍ଯ୍ୟଟକଙ୍କ ଭିଡ଼ ଲାଗି ରହିଥାଏ। ଏହି ମନ୍ଦିର ନିକଟଦେଇ ବୋହି ଯାଇଛି ଏକ ଲୁଣା ନଦୀ ଯାହା ଆଗକୁ ଯାଇ ମିଶିଛି ବଙ୍ଗୋପସାଗର ସହିତ। ସେଠାରେ କିଛି ମୋଟର ଡ଼ଙ୍ଗା ବ୍ୟବସାୟୀ ଯାତ୍ରୀମାନଙ୍କୁ ଅତ୍ୟନ୍ତ ବିପଦପୂର୍ଣ୍ଣ ଭାବରେ ନେଇ କରାଉଛନ୍ତି ନୌକା ବିହାର। ଡ଼ଙ୍ଗା ରେ ଯାତ୍ରୀମାନଙ୍କ ସୁରକ୍ଷା ପାଇଁ ରହୁନି ଲାଇଫ ଜ୍ୟାକେଟ। ମଝି ନଦୀରେ ଯଦି କୌଣସି ଅଘଟଣ ଘଟେ ତାହା ହେଲେ ଜୀବନ ହାନି ହେବାର ସମ୍ଭାବନା ଅଧିକ। ତେଣୁ ତୁରନ୍ତ ୟା ଉପରେ ତଦନ୍ତ କରି ଉପଯୁକ୍ତ ଗାଇଡଲାଇନ ଜାରି କରିବା ଓ ଯେଉଁମାନେ ଆଇନ ଉଲ୍ଲଙ୍ଘନ କରୁଛନ୍ତି ସେମାନଙ୍କ ଉପରେ ସ୍ଥାନୀୟ ପ୍ରଶାସନ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି।