ବାଲେଶ୍ଵର ( ଭିଓଭି ) ୨୪/୬ : – ଓଡିଶା ରାଜ୍ୟ ଇଲେକ୍ଟ୍ରୋହୋମିଓପାଥିକ୍ ଚିକିତ୍ସକ ସଂଘ ର ସଭାପତି ଡ଼ଃ ସରୋଜ କୁମାର ସାହୁଙ୍କ ନେତୃତ୍ବରେ ବାଲେଶ୍ଵର ଜିଲ୍ଲା ଇଲେକ୍ଟ୍ରୋହୋମିଓପାଥିକଚିକିତ୍ସକ ମାନଙ୍କର ଏକ ଟିମ୍ ସ୍ଥାନୀୟ ସଦର ବିଧାୟକ ଶ୍ରୀଯୁକ୍ତ ମାନସ କୁମାର ଦତ୍ତ ଙ୍କୁ ଭେଟି ଇଲେକ୍ଟ୍ରୋହୋମିଓପାଥିକ୍ ଚିକିତ୍ସା ବିଜ୍ଞାନକୁ ସରକାରୀ ମାନ୍ୟତା ପ୍ରଦାନ ପାଇଁ ସରକାର ପ୍ରଚେଷ୍ଟା କରିବାକୁ ଦାବି ଜଣାଇଛନ୍ତି।
ବିଧାୟକ ଶ୍ରୀ ଦତ୍ତ ଇଲେକ୍ଟ୍ରୋହୋମିଓପାଥିକ୍ ଚିକିତ୍ସା ବିଜ୍ଞାନ ବିଷୟରେ ଏବଂ ବାଲେଶ୍ଵର ଜିଲ୍ଲାରେ ଏହାର ସ୍ଥିତି ସମ୍ପର୍କରେ ସବିଶେଷ ସମୀକ୍ଷା କରିବା ପରେ ଇଲେକ୍ଟ୍ରୋହୋମିଓପାଥିକ୍ ଭଳି ଏକ ଉତ୍କୃଷ୍ଟ ଚିକିତ୍ସା ବିଜ୍ଞାନ କୁ ସରକାରୀ ମାନ୍ୟତା ପାଇଁ ସେ ଉଦ୍ୟମ କରିବେ ଏବଂ ଆସନ୍ତା ମୌସୁମୀ ଅଧିବେଶନରେ ଏହି ପ୍ରସଙ୍ଗ ଉପସ୍ଥାପନ କରାଯିବାକୁ ଉଦ୍ୟମ କରାଯିବ ବୋଲି ପ୍ରତିଶ୍ରୁତି ଦେଇଥିଲେ।
ଏହାପରେ ଶ୍ରୀ ସାହୁ ବାଲେଶ୍ଵର ଜିଲ୍ଲା ଚିକିତ୍ସକ ସଂଘର କାର୍ଯ୍ୟକ୍ରମରେ ଯୋଗଦେଇ ଦକ୍ଷ ଚିକିତ୍ସକ ମାନଙ୍କୁ ମାନପତ୍ର ପ୍ରଦାନ କରିଥିଲେ। ଏହି କାର୍ଯ୍ୟକ୍ରମରେ ବାଲେଶ୍ବର ଜିଲ୍ଲା ଇଲେକ୍ଟ୍ରୋହୋମିଓପାଥିକ ଚିକିତ୍ସକ ସଂଘ ର ସଭାପତି ଡ଼ଃ ପର୍ଶୁରାମ ସେଠୀ , ସମ୍ପାଦକ ଡଃ ଅରବିନ୍ଦ ପାତ୍ର , ଡ଼ଃ ରାମଚନ୍ଦ୍ର ପ୍ରଧାନ , ଡ଼ଃ ପରମାନନ୍ଦ ବାଗ୍ , ଡ଼ଃ ଅମୀୟ ତାଲଦି , ଡ଼ଃ ରତନ କୁମାର ପାତ୍ର , ଡ଼ଃ ମନୋରଞ୍ଜନ ମହାରଣା, ଡ଼ଃ ନାରାୟଣ ଚନ୍ଦ୍ର ଦାସ ଏବଂ ଡଃ ରୀନା ଦାସ ପ୍ରମୁଖ ସକ୍ରିୟ ଅଂଶଗ୍ରହଣ କରିଥିଲେ ।
