କୋଲକାତା : ଆଜି ପଶ୍ଚିମବଙ୍ଗର କୋଲକାତାରେ ଭୂକମ୍ପ ଅନୁଭୂତ ହୋଇଛି । ଯାହାର ତୀବ୍ରତା ୫.୪ ଥିବା ସୂଚନା ମିଳିଛି । କୋଲାକାତା ସମେତ ଅନ୍ୟାନ୍ୟ ଆଖପାଖ ଅଞ୍ଚଳରେ ମଧ୍ୟ ଭୂକମ୍ପ ଝଟକା ଅନୁଭୂତ ହୋଇଛି । ଏହି ଭୂକମ୍ପ ଦ୍ବିପହର ୧ଟା ୨୦ ମିନିଟ୍ ସମୟରେ ଅନୁଭୂତ ହୋଇଥିବା ଜଣାପଡିଛି । ଭୂକମ୍ପର କେନ୍ଦ୍ରସ୍ଥଳ ବାଂଲାଦେଶ ବୋଲି କୌଣସି ଏକ ସୂତ୍ରରୁ ପ୍ରକାଶ ପାଇଛି । କିନ୍ତୁ ଏପର୍ଯ୍ୟନ୍ତ କୌଣସି କ୍ଷୟକ୍ଷତିର ସୂଚନା ନାହିଁ ।
ଏହା ପୂର୍ବରୁ ଭାରତର ପଡୋଶୀ ଦେଶ ନେପାଳରେ ମଧ୍ୟ ଭୂକମ୍ପ ଅନୁଭୂତ ହୋଇଥିଲା । ଯାହାର ତୀବ୍ରତା ୪.୭ ଥିଲା । ଏହାର କେନ୍ଦ୍ରସ୍ଥଳ ନେପାଳର ସାନଖୁବାସଭା ଜିଲ୍ଲାରେ ଥିଲା ଏବଂ ଆଖପାଖର ଅନେକ ଜିଲ୍ଲାରେ ଭୂମିକମ୍ପ ଅନୁଭୂତ ହୋଇଥିଲା । ଆଜି ଭୋର ପ୍ରାୟ ୩ଟା ୧୮ ମିନିଟରେ ଭୂକମ୍ପ ଅନୁଭୂତ ହୋଇଥିଲା । ଲୋକମାନେ ଗଭୀର ନିଦରେ ଶୋଇଥିବାବେଳେ ଭୂକମ୍ପ ଅନୁଭୂତ ହେବାରୁ ଭୟରେ ଘରୁ ବାହାରକୁ ଆସିଥିଲେ । କାଠମାଣ୍ଡୁରୁ ପ୍ରାୟ ୪୦୦ କିଲୋମିଟର ପୂର୍ବରେ ସାନଖୁବାସଭା-ତାପଲେଜଙ୍ଗ ସୀମାବର୍ତ୍ତୀ ଅଞ୍ଚଳ ନିକଟରେ ଟୋପକେ ଗୋଲା ଥିଲା ଭୂକମ୍ପର କେନ୍ଦ୍ରସ୍ଥଳ ।
ଏହା ବ୍ୟତୀତ ନେପାଳର ପୂର୍ବାଞ୍ଚଳର ଅନେକ ଜିଲ୍ଲାର ଲୋକମାନେ ମଧ୍ୟ ଭୂକମ୍ପ ଅନୁଭବ କରିଥିଲେ । ଭୋଜପୁର, ପଞ୍ଚଥରା, ତେହରାଥୁମ ଏବଂ ତାପଲେଜଙ୍ଗ ଜିଲ୍ଲାର ଲୋକମାନେ ମଧ୍ୟ ଭୂକମ୍ପ ଅନୁଭବ କରିଥିଲେ । ସଂଖୁବାସଭା ବ୍ୟତୀତ, ନେପାଳର ପୂର୍ବାଞ୍ଚଳର ଅନେକ ଜିଲ୍ଲାର ଲୋକମାନେ ମଧ୍ୟ ଭୂକମ୍ପ ଅନୁଭବ କରିଥିଲେ । ଭୋଜପୁର, ପଞ୍ଚଥରା, ତେହରାଥୁମ ଏବଂ ତାପଲେଜଙ୍ଗ ଜିଲ୍ଲାର ଲୋକମାନେ ମଧ୍ୟ ଭୂକମ୍ପ ଅନୁଭବ କରିଥିଲେ ।
