କଟକ, ପତଞ୍ଜଳି ଯୋଗପୀଠ ପକ୍ଷରୁ ଯୋଗ ଶିକ୍ଷକ ସତ୍ୟ ରଞ୍ଜନ ଷଡ଼ଙ୍ଗୀଙ୍କ ପୌରହିତ୍ୟରେ ବେଲେଶ୍ୱର ମନ୍ଦିର ପ୍ରାଙ୍ଗଣରେ ମକର ସଂକ୍ରାନ୍ତି ଦିନ ବ୍ୟାସକବି ଫକୀରମୋହନ ସେନାପତିଙ୍କ ଜୟନ୍ତୀ ପାଳିତ ହୋଇଯାଇଛି। ଉତ୍ସବକୁ ଉଦଘାଟନ କରି ଶ୍ରୀଯୁକ୍ତ ଷଡ଼ଙ୍ଗୀ ସଂକ୍ରାନ୍ତି ପୁରୁଷ ଫକୀରମୋହନ ସେନାପତିଙ୍କ ଓଡ଼ିଆ ଭାଷାର ସଂରକ୍ଷଣ ଓ ସମୃଦ୍ଧିରେ ଥିବା ଅବଦାନ ଉପରେ ଆଲୋକପାତ କରିଥିଲେ।
ଅନ୍ୟମାନଙ୍କ ମଧ୍ୟରେ ଶ୍ରୀଧର ପଣ୍ଡା, ସାଗର ନାୟକ, ପବିତ୍ର ପାତ୍ର, ସନ୍ତୋଷ ଦାଶ, ଦେବାଶିଷ ଦାସ, ଭାରତୀ ନାୟକ, ପ୍ରଜ୍ଞା ପାରମିତା, ମୋନାଲିସା ଦାଶ, ଆରତୀ ଜେନା, ମନୋରମା ବିଶ୍ଵାଳ, କଳ୍ପନା ମହାନ୍ତି, ବିନୋଦିନୀ ଦେହୁରୀ ଓ ଗୀତାଞ୍ଜଳି ଦାସ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଏହି ଅବସରରେ ଜଗନ୍ନାଥ ଅଷ୍ଟକମ, ବନ୍ଦେ ମାତରମ୍ ଗାନ ସହ ବୈଦିକ ଯଜ୍ଞ ଅନୁଷ୍ଠିତ ହୋଇଥିଲା।
