ଭୁବନେଶ୍ୱର : ରୋଚକ ମୋଡ଼ରେ ରାଜ୍ୟସଭା ନିର୍ବାଚନ । ରାଜ୍ୟସଭାରେ ଘୋଡ଼ା ବେପାର ଭୟରୁ ଦୂରେଇ ରହିବାକୁ କଂଗ୍ରେସର ବଡ଼ ରଣନୀତି । ଭୁବନେଶ୍ବର ଛାଡିଲେ କଂଗ୍ରେସ ବିଧାୟକ। ବେଙ୍ଗାଳୁରୁ ଗଲେ କଂଗ୍ରେସର ୯ ଜଣ ବିଧାୟକ । ପ୍ରଫୁଲ୍ଲ ପ୍ରଧାନ, ମଙ୍ଗୁ ଖିଲ, ପବିତ୍ର ସାଉଣ୍ଟା, ରାଜନ ଏକ୍କା, କାଡ୍ରାକ ଆପୋଲ୍ ସ୍ବାମୀ ପ୍ରମୁଖ ବିଧାୟକ ବେଙ୍ଗାଳୁରୁ ଯାଇଥିବା ସୂଚନା ମିଳିଛି । ବେଙ୍ଗାଳୁରୁର ଏକ ହୋଟେଲ ରହିଥିବା ସୂଚନା ମିଳିଛି ।
ଆଜି ଦିଲ୍ଲୀ ଯାଇପାରନ୍ତି ଆଉ ୫ ଜଣ ବିଧାୟକ । ଗତକାଲି ମଧ୍ୟାହ୍ନରେ କଂଗ୍ରେସର କିଛି ବିଧାୟକଙ୍କୁ ନେଇ ବଡ଼ ବୈଠକ କରିଥିଲେ ପିସିସି ସଭାପତି ଭକ୍ତ ଦାସ । ବୈଠକ ପରେ ଏଭଳି ନିଷ୍ପତ୍ତି ଗ୍ରହଣ କରାଯାଇଛି । ବେଙ୍ଗାଳୁରୁ ଯାଇଥିବା ବିଧାୟକମାନେ ସେମାନଙ୍କ ପୁରୁଣା ଫୋନ୍ ଛାଡି ଯାଇଛନ୍ତି । ନୂଆ ଯୋଗାଯୋଗ ପାଇଁ ସମସ୍ତଙ୍କୁ ଆଇଫୋନ ଓ ଇ-ସିମ୍ ଯୋଗାଇ ଦିଆଯାଇଛି ।
ମାର୍ଚ୍ଚ ୧୬ରେ ରାଜ୍ୟସଭା ନିର୍ବାଚନ ପାଇଁ ପଡିବ ଭୋଟ । ଅନ୍ୟପଟେ କଂଗ୍ରେସ ବିଧାୟକ ଦଳ ନେତା କହିଲେ, କଂଗ୍ରେସ ବିଧାୟକଙ୍କୁ ଏକ ରଖିବାକୁ ପ୍ରୟାସ କରାଯାଇଛି । ପ୍ରଲୋଭନ ଦେଖାଇ ଭୋଟ ନେବାକୁ ବିଜେପି ଚେଷ୍ଟା କରୁଛି । କଂଗ୍ରେସ ବିଧାୟକ ଏକଜୁଟ ଅଛନ୍ତି । ଯେଉଁମାନେ ଓଡ଼ିଶାରେ ଅଛନ୍ତି, ସେମାନେ କ୍ରସ ଭୋଟିଙ୍ଗ କରିବେ ନାହିଁ ବୋଲି କହିଛନ୍ତି ରାମଚନ୍ଦ୍ର କାଡାମ ।
