ରଣପୁର, ୨୮/୦୮ : ବଜ୍ରକୋଟ ପ୍ରାଥମିକ ବିଦ୍ୟାଳୟରେ ଗଣେଶ ପୂଜା ବିଶେଷ ଧୂମଧାମ ଓ ଧାର୍ମିକ ଉତ୍ସାହରେ ପାଳିତ ହୋଇ ଯାଇଛି । ପୂଜା କାର୍ଯ୍ୟ ସକାଳ ୭ଟାରୁ ଆରମ୍ଭ ହୋଇ ସକାଳ ୮.୩୦ରେ ପୁଷ୍ପାଞ୍ଜଳି ଦିଆଯାଇଥିଲା । ପରେ, ପୂଜା ଉପଲକ୍ଷେ ପ୍ରସ୍ତୁତ ଅନ୍ନ, ତରକାରୀ ଓ ଖଟା ପ୍ରସାଦ ଛାତ୍ରଛାତ୍ରୀ, ଅଭିଭାବକ ଓ ଗ୍ରାମବାସୀମାନେ ସେବନ କଲେ ।
ଏହି ପୂଜାର ସଫଳ ପରିଚାଳନାରେ ପ୍ରଧାନ ଶିକ୍ଷକ ସୁଶୀଲ କୁମାର ରଣାଙ୍କୁ ଅଙ୍ଗନବାଡ଼ି କର୍ମୀ ପୁଷ୍ପମଞ୍ଜରୀ ଦେଇ, କାନନବାଳା ସାହୁ, ସହକାରୀ ଶିକ୍ଷକ ଦିଲ୍ଲୀପ କୁମାର ସାହୁ, ଶିକ୍ଷୟତ୍ରୀ ପଦ୍ମାବତୀ ବେହେରା, ବିଦ୍ୟାଳୟ ପାଚିକା ଅହଲ୍ୟା ଦେଇ, ବାସନ୍ତୀ ମାଝୀ, ଯଦୁମଣି ବିଶ୍ୱାଳ, ଅଙ୍ଗନବାଡି ସହାୟିକା କୁନି ଖଟେଇ ଓ ଟୁନିଲତା ସାହୁ ପ୍ରମୁଖ ସହଯୋଗ କରିଥିଲେ |
ସେହିପରି, ବିଦ୍ୟାଳୟ ପରିଚାଳନା କମିଟି ସଭାପତି ଅବକାଶ ସ୍ୱାଇଁ, ସଦସ୍ୟ ରବୀନ୍ଦ୍ର କୁମାର ସଂଗ୍ରାମସିଂହ ଓ ‘ମୋ ସ୍କୁଲ’ ସଭାପତି ଗଣେଶ୍ୱର ପ୍ରଧାନ ମଧ୍ୟ ଏହି ପୂଜାକୁ ସଫଳ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥିଲେ । ଗ୍ରାମବାସୀ ଓ ବିଦ୍ୟାଳୟ ପରିବାରଙ୍କ ସମୁହିକ ପ୍ରୟାସରେ ପାଳିତ ଏହି ଗଣେଶ ପୂଜା ଏକତା, ଆସ୍ଥା ଓ ସାମୂହିକ ମିଳନର ସୁନ୍ଦର ଉଦାହରଣ ସୃଷ୍ଟି କରିଥିଲା |
