ନୟାଗଡ , ୩୧/୦୩ : ନୟାଗଡ ଜିଲ୍ଲା ରଣପୁର ବ୍ଲକର ବରିଷ୍ଠ ସାମ୍ବାଦିକ ରଘୁନାଥ ନାୟକଙ୍କ ମାତା କମଳା ନାୟକ (୮୫) ଙ୍କର ଶାମୁକା ସାହି ସ୍ଥିତ ନିଜ ବାସଭବନରେ ଦେହାବସାନ ଘଟିଥିବା ଖବର ମିଳିଛି। ସେ ଜଣେ ଧର୍ମପରାୟଣ ଓ ପରୋପକାରୀ ମହିଳା ଭାବେ ଅଞ୍ଚଳରେ ପରିଚିତ ଥିଲେ। ତାଙ୍କର ସରଳ ସ୍ୱଭାବ ଓ ସମାଜସେବା ମନୋଭାବ ପାଇଁ ସେ ସବୁଙ୍କର ପ୍ରିୟ ଥିଲେ।
ମୃତ୍ୟୁ ବେଳକୁ ତାଙ୍କ ପାଖରେ ତିନି ପୁଅ କାଶୀନାଥ ନାୟକ, ରଘୁନାଥ ନାୟକ ଓ ବିଭୁତି ଭୂଷଣ ନାୟକ ସହିତ ତିନି ବୋହୁ, ନାତି-ନାତୁଣୀ, ନାତୁଣୀ ଜ୍ୱାଇଁ, ଝିଅ ଓ ଜ୍ୱାଇଁ ଉପସ୍ଥିତ ଥିଲେ।
ତାଙ୍କର ମୃତ୍ୟୁରେ ସ୍ଥାନୀୟ ଅଞ୍ଚଳରେ ଶୋକର ଛାୟା ପ୍ରକାଶ ପାଇଛି। ବିଭିନ୍ନ ସମାଜସେବୀ, ସାମ୍ବାଦିକ ଓ ଗଣ୍ୟମାନ୍ୟ ବ୍ୟକ୍ତିବର୍ଗ ତାଙ୍କ ମୃତ୍ୟୁ ଖବର ଶୁଣି ଗଭୀର ଶୋକ ପ୍ରକାଶ କରିଥିବା ସହିତ ପରିବାରବର୍ଗଙ୍କୁ ସାନ୍ତ୍ବନା ଜଣାଇଛନ୍ତି। ସମସ୍ତେ ପରଲୋକଗତ ଆତ୍ମାଙ୍କର ଶାନ୍ତି କାମନା କରିଛନ୍ତି ।
