ବାଲେଶ୍ଵର (ଭିଓଭି) ୦୧/୧୦ – ଶାରଦୀୟ ଦୂର୍ଗାଷ୍ଟମୀ ରେ ବାଲେଶ୍ଵର ର ଅନନ୍ୟ ପରମ୍ପରା ଆଖଡ଼ା ଖେଳ ଓ ସଲାମି ପ୍ରଦାନ ଉତ୍ସବ ସ୍ଥାନୀୟ ମାକଲପୁର ମହାବୀର ମନ୍ଦିରଠାରେ ଗତକାଲି ଅନୁଷ୍ଠିତ ହୋଇଯାଇଛି । ସହର ସମେତ ଜିଲ୍ଲାର ବିଭିନ୍ନ ଅଞ୍ଚଳରୁ ୨୭ ଟି ଆଖଡ଼ା ଦଳ ଶୋଭାଯାତ୍ରାରେ ଆସି ଶସ୍ତ୍ର ପୂଜା କରିବା ସହ ପ୍ରଭୂ ହନୁମାନଙ୍କୁ ସଲାମି ପ୍ରଦାନ କଲେ । ଦଳର ସଦସ୍ୟମାନେ ସମରକଳା ପ୍ରଦର୍ଶନ କରିଥିଲେ । ପ୍ରତ୍ୟେକ ଦଳର ଖେଳାଳୀ ବାଡି , ବନାଟି , ଫରିବାଡି , ଖଣ୍ଡା ପ୍ରଭୂତି ଖେଳ ମାଧ୍ୟମରେ ପୁରାତନ ସମରକଳା ପ୍ରଦର୍ଶନ କରିଥିଲେ । କିଶୋରୀ ଏବଂ ମହିଳାମାନେ ମଧ୍ୟ ବିଭିନ୍ନ କଳାକୈ।ଶଳ ଦେଖାଇଥିଲେ ।
ସଦର ବିଧାୟକ ମାନସ କୁମାର ଦତ୍ତ , ପୂର୍ବାଞ୍ଚଳ ରେଞ୍ଜ ଡିଆଇଜି ପିନାକ ମିଶ୍ର , ପୂର୍ବତନ ବିଧାୟକ ସ୍ୱରୂପ କୁମାର ଦାସ ,ପୈ।ରପାଳିକା ଅଧ୍ୟକ୍ଷା ସବିତା ସାହୁ , ଆରକ୍ଷୀ ଅଧିକ୍ଷକ ପ୍ରତ୍ୟୁଷ ଦିବାକର ପ୍ରମୁଖ ଯୋଗଦେଇ ବୀରାଷ୍ଟମୀ ର ଶୁଭେଚ୍ଛା ଜଣାଇବା ସହିତ ଖେଳାଳିଙ୍କୁ ଉତ୍ସାହିତ କରିଥିଲେ । କମିଟି ପକ୍ଷରୁ ଲୋକ ପ୍ରତିନିଧି ଓ ଅଧିକାରୀ ଙ୍କୁ ପଗଡ଼ି ପିନ୍ଧାଇ ସମ୍ମାନୀତ କରାଯାଇଥିଲା । ମହାବୀର ଆଖଡ଼ା ସଂଘର ସଭାପତି ଗୋପୀନାଥ ଶତପଥୀ ଓ ସମ୍ପାଦକ ମନୋଜ କୁମାର ଦାସ , ଲମ୍ବୋଦର ବେହେରା , ଦେବବ୍ରତ ପାଣୀଗ୍ରାହୀ , ଦେବେନ୍ଦ୍ର ଦାସ , ଅର୍ଚ୍ଚନା ନନ୍ଦୀ , ରାଜେନ୍ଦ୍ର ଚାଟାର୍ଜୀ , ନଳୀନି ରଞ୍ଜନ ଦାସ ପ୍ରମୁଖ ସଲାମି ଉତ୍ସବ ପରିଚାଳନା କରିଥିଲେ ।
