ସବୁ ଆଲୋଚନାର ଅନ୍ତ ଘଟାଇ ଆଗାମୀ ୧୨ତାରିଖରେ ନୂଆ ଦଳ ପାଇଁ ମୂଳଦୁଆ ପକାଇବାକୁ ଯାଉଛନ୍ତି ପୂର୍ବତ୍ତନ ବିଧାୟକ ମହମ୍ମଦ ମୋକିମ । ଏନେଇ ସୂଚନା ଦେଇଛନ୍ତି ମହମ୍ମଦ ମୋକିମ । ପୂର୍ବତ୍ତନ ବିଧାୟକ ତଥା ପୂର୍ବତନ କଂଗ୍ରେସ ନେତା ମହମ୍ମଦ ମୋକିମଙ୍କ ନୂଆ ଆଞ୍ଚଳିକ ଦଳ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପଡ଼ିବାକୁ ଯାଉଛି । ଆଗାମୀ ୧୨ତାରିଖରେ ନୂଆ ଦଳର ଶୁଭାରମ୍ଭ କରିବାକୁ ଯାଉଛନ୍ତି ମୋକିମ । ଏନେଇ ନିଜେ ମୋକିମ ଉତ୍ତର ରଖିଛନ୍ତି ।
ମୋକିମ କହିଛନ୍ତି ଯେ, ଆଗାମୀ ୧୨ତାରିଖ ଅର୍ଥାତ, ଜାତୀୟ ଯୁବ ଦିବସରେ ନୂଆ ଦଳର ମୂଳଦୁଆ ପଡିବ । ମାର୍ଚ୍ଚ ଶେଷ ସପ୍ତାହରେ ଏହାର ସମ୍ପୂର୍ଣ୍ଣ ପ୍ରକ୍ରିୟା ଶେଷ ହୋଇ ନୂଆ ଦଳ ଘୋଷଣା ହେବ । ଦଳର ସଦସ୍ୟ ଓ ନେତୃତ୍ୱକୁ ନେଇ ମୋକିମ କହିଛନ୍ତି ଯେ, ଉପକୂଳ ଜିଲ୍ଲାର ସମସ୍ତ ଯୁବନେତା ଏକାଠି ହେବେ । ଦଳରେ ଯୁବକ ମାନଙ୍କୁ ପ୍ରାଧାନ୍ୟ ଦିଆଯିବ । ଦଳର ନାମକୁ ନେଇ ସେ କହିଛନ୍ତି ଯେ, ଦଳର ନାମ କଂଗେସ ସହ ରହିବ । କେଉଁ ନାମ ରହିବ ତାକୁ ନେଇ ଜ୍ୟୋତିଷଙ୍କ ସହ ଆଲୋଚନା ଚାଲିଥିବା କହିଛନ୍ତି ବିଧାୟିକା ସୋଫିଆ ଫିର୍ଦ୍ଦୋସ ।
