ବାଲେଶ୍ବର (ଭିଓଭି); ୨୧/୮ – କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହଙ୍କୁ ସାକ୍ଷାତ କରି ବାଲେଶ୍ଵର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ଚାଷୀଙ୍କ ଦ୍ବାରା ଉତ୍ପନ୍ନ ମିଲେଟରୁ ସମବାୟ ସମିତି ପ୍ରସ୍ତୁତ କରୁଥିବା ବିସ୍କୁଟ, କେକ, ନୁଡଲସ, ମଲ୍ଟି ମିଲେଟ ମଲଟ, କୁକିଜ ଓ ଅନ୍ୟ ଖାଦ୍ୟ ସାମଗ୍ରୀର ବିଶ୍ଵ ବଜାରରେ ବିକ୍ରୟ ବ୍ୟବସ୍ଥା ଉପରେ ଆଲୋଚନା କରିଛନ୍ତି ।
ଏଥି ସହିତ ବାଲେଶ୍ଵର ଓ ମୟୂରଭଞ୍ଜ ଜିଲାରେ ଜୈବ ମଣ୍ଡଳକୁ ଗୁରୁତ୍ବ ଦେଇ ଏଠାକାର ଜୈବ ବିବିଧତାର ସୁରକ୍ଷା ଓ ବିକାଶ ପାଇଁ ଏକ ବିସ୍ତୃତ ପରିବେଶଗତ ଅଡିଟ କରିବା ପାଇଁ ମଧ୍ୟ ସେ ନିବେଦନ କରିଛନ୍ତି । ଏହା ବ୍ୟତୀତ ସୁବର୍ଣ୍ଣରେଖାର ବନ୍ୟା ନିୟନ୍ତ୍ରଣ, ଜଳସେଚନ, ତଟ ସୁରକ୍ଷା, ନଦୀ ବନ୍ଧ ଓ ଜଳ ଭଣ୍ଡାର ନିର୍ମାଣ, ସୁବର୍ଣ୍ଣରେଖା ସଂସ୍କାର ଯୋଜନାର କ୍ରିୟାନ୍ବୟନ ଏବଂ ସେବା ସମବାୟ ସମିତିମାନଙ୍କର ଦକ୍ଷତା ବୃଦ୍ଧି ପ୍ରଭୃତି ପ୍ରସଙ୍ଗ ଉପରେ ଆଲୋଚନା କରିବା ସହିତ ଏ ସମ୍ପର୍କରେ ଏକ ଦାବିପତ୍ର ମନ୍ତ୍ରୀଙ୍କୁ ପ୍ରଦାନ କରିଛନ୍ତି ।
