ବ୍ରହ୍ମଗିରି(ଭିଓଭି): ଯୋଗାଯୋଗ, ଜନସଂଖ୍ୟା ଏବଂ ଭୌଗଳିକ ଅବସ୍ଥିତି ସମେତ ବିଜ୍ଞାପିତ ଅଂଚଳ ପରିଷଦ ଘୋଷଣା ପାଇଁ ସମସ୍ତ ମାନଦଣ୍ଡ ପୂରଣ କରୁଥିବା ସତ୍ୱେ ବ୍ରହ୍ମଗିରିକୁ ବିଜ୍ଞାପିତ ଅଂଚଳ ପରିଷଦ ଘୋଷଣା କରା ନଯିବା ଘଟଣାରେ କ୍ଷୋଭ ପ୍ରକାଶ କରି ବ୍ରହ୍ମଗିରି ସୁରକ୍ଷା ସମିତି ଆହ୍ୱାନରେ ଆଜି ଶହ ଶହ ବୁଦ୍ଧିଯିବି, ଛାତ୍ରଛାତ୍ରୀ ଏବଂ ସାଧାରଣ ଜନତା ଏକାଠି ହୋଇ ବ୍ରହ୍ମଗିରିକୁ ଏନ୍.ଏ.ସି. ଘୋଷଣା ଦାବୀ ରେ ବ୍ରହ୍ମଗିରି ତହସିଲ ଅଫିସ ସମ୍ମୁଖରେ ଧାରଣାରେ ବସିଛନ୍ତି ।
୫ଟି ଚେୟାରମ୍ୟାନ୍ କାର୍ତିକ ପାଣ୍ଡିଆନ୍ଙ୍କ ବିଭିନ୍ନ ଅଂଚଳ ଗ୍ରସ୍ତ ସମୟରେ ଲୋକମାନଙ୍କ ଦାବୀ ଏବଂ ବିକାଶର ଆବଶ୍ୟକତାକୁ ଦୃଷ୍ଟିରେ ରଖି ଗତ ମାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଥମ ପର୍ଯ୍ୟାୟରେ ୩୫ ଟି ନୂଆ ଏନ.ଏ.ସି. ଏବଂ ୫ଟି ନୂଆ ମ୍ୟୁନିସିପାଲିଟି ର ଘୋଷଣା କରିଥିଲେ ଏବଂ ଚଳିତ ମାସ ୧୩ ତାରିଖରେ ୨ୟ ପର୍ଯ୍ୟାୟରେ ଗଞାମ ଜିଲ୍ଲା ଭଞନଗର ଏନ.ଏ.ସି. କୁ ମ୍ୟୁନିସିପାଲିଟି ଘୋଷଣା ସହିତ ଆଉ ୨୨ଟି ସହରକୁ ନୂଆ ଏନ୍.ଏ.ସି. ରୂପେ ଘୋଷଣା କରିଛନ୍ତି । ଓଡ଼ିଶାର ଏକ ସ୍ୱତନ୍ତ୍ର ସ୍ଥାନ ହେଉଛି ବ୍ରହ୍ମଗିରି । ଗମନା ଗମନ, ଭୌଗଳିକ ଅବସ୍ଥିତି ଏବଂ ଜନସଂଖ୍ୟା ଆଦି ସମେତ ଗୋଟିଏ ଏନ.ଏ.ସି.(ବିଜ୍ଞାପିତ ଅଂଚଳ ପରିଷଦ) ଘୋଷଣା ପାଇଁ ସମସ୍ତ ମାନଦଣ୍ଡ ପୂରଣ କରୁଥିବା ପୁରୀ ଜିଲ୍ଲା ବ୍ରହ୍ମଗିରି କୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଭାବେ ସରକାର ଅଣଦେଖା କରି ଏନ.ଏ.ସି. ମାନ୍ୟତା ଦେବାରୁ ବଂଚିତ କରିଛନ୍ତି । ଏହାଦ୍ୱାରା ସରକାର ବ୍ରହ୍ମଗିରି ବାସୀଙ୍କ ପ୍ରତି ପକ୍ଷପାତତା କରିଛନ୍ତି । ବ୍ରହ୍ମଗିରି ର ବିକାଶକୁ ଜାଣିଶୁଣି ଠପ୍ କରି ଦିଆଯାଇଛି । ବ୍ରହ୍ମଗିରି ର ଜନସାଧାରଣଙ୍କୁ ଧୋକା ଦିଆଯାଇଛି । ଏପରି କିଛି ଅଭିଯୋଗ ଆଣି ବ୍ରହ୍ମଗିରି ବାସୀ ବ୍ରହ୍ମଗିରି ତହସିଲ ଅଫିସ୍ ସମ୍ମୁଖରେ ଧାରଣାରେ ବସି ରହିଛନ୍ତି । ବ୍ରହ୍ମଗିରି କୁ ଏନ.ଏ.ସି. ଘୋଷଣା ଦାବି କରି ଏକ ଦାବିପତ୍ର ବ୍ରହ୍ମଗିରି ତହସିଲଦାରଙ୍କ ମାଧ୍ୟମରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପ୍ରଦାନ କରାଯାଇ ଅଛି । ଚବିଶ ଘଂଟା ମଧ୍ୟରେ ସରକାର ନିଷ୍ଟତି ଗ୍ରହଣ କରି ନିର୍ବାଚନ ଆରଚଣବିଧି ଲାଗୁ ପୂର୍ବରୁ ବ୍ରହ୍ମଗିରି କୁ ଏନ.ଏ.ସି. ର ମାନ୍ୟତା ପ୍ରଦାନ କରନ୍ତୁ । ଯଦି ବ୍ରହ୍ମଗିରି ବାସୀଙ୍କ ଏହି ଦାବୀ ପୂରଣ ନହୁଏ ତେବେ ଆଗାମୀ ଦିନରେ ବ୍ରହ୍ମଗିରି ବନ୍ଦ ଡାକରା ଦିଆଯାଇ ଆନ୍ଦୋଳନକୁ ତୀବ୍ରତର କରାଯିବ ବୋଲି ବ୍ରହ୍ମଗିରି ସୁରକ୍ଷା ସମିତି ଆବାହକ ରମାଶଙ୍କର ପାତ୍ର ଗଣମାଧ୍ୟମକୁ କହିଛନ୍ତି । ନେତା ବିହାରୀ ବନ୍ଧୁ ପଲାଇ, ସମାଜସେବୀ ଯୁଧିଷ୍ଠିର ବାରିକ, ସାମ୍ବାଦିକ ରୂପକ ସ୍ୱାଇଁ, ବରିଷ୍ଠ ଆଇନଜୀବୀ ବିଶ୍ୱମ୍ବର ସାମନ୍ତରାୟ, ପ୍ରଦୀପ୍ତ କୁମାର ପଲାଇ, ଶମଲେନ୍ଦୁ ପଲାଇ, ଅନ୍ତର୍ଯ୍ୟାମୀ ପରିଡ଼ା, ଅଶ୍ୱନି ପରିଡ଼ା, ସୁଦର୍ଶନ ପଲାଇ, ସତ୍ୟବାନ ବେହେରା ପ୍ରମୁଖ ଆନ୍ଦୋଳନ ର ନେତୃତ୍ୱ ନେଇଥିଲେ ।
ଏନ.ଏ.ସି. ଦାବିରେ ବ୍ରହ୍ମଗିରି ତହସିଲ ଅଫିସ୍ ଘେରାଉ
