ଉମରକୋଟ : ବିଜୁ ଜନତା ଦଳ ଉମରକୋଟ ନିର୍ବାଚନ ମଣ୍ଡଳୀର ପ୍ରାର୍ଥୀଙ୍କ ନାମ ଘୋଷଣା ପରଠାରୁ ବିରୋଧୀ ଶିବିରରେ କମ୍ପନ ଦେଖିବାକୁ ମିଳିଛି। ଦଳିତ ସମାଜର ଜଣେ ଆଗ ଧାଡ଼ିର ନେତା ତଥା ପୁରୁଖା ରାଜନୀତିଜ୍ଞ ଭାବେ ନବୀନା ନାୟକ ଅଞ୍ଚଳରେ ବେଶ ପରିଚିତ। ଜଣେ ଯୁବନେତ୍ରୀ ଭାବେ ଅଞ୍ଚଳର ସମସ୍ତଙ୍କ ପ୍ରିୟପାତ୍ରୀ ପାଲଟିଛନ୍ତି। ରାଇଘର ପଞ୍ଚାୟତ ସମିତି ଅଧ୍ୟକ୍ଷ ଥିବା ବେଳେ ଅଞ୍ଚଳରେ ବହୁ ଆଖିଦୃଶିଆ କାମ କରି ଜନତାଙ୍କ ମନ ଜିଣିଥିଲେ। ବହୁ ଆଶାୟୀଙ୍କ ମଧ୍ୟରୁ ନବୀନଙ୍କ ନାମ ଦଳର ସଭାପତି ଘୋଷଣାପରଠାରୁ ଅଞ୍ଚଳର ଯୁବକଙ୍କ ମଧ୍ୟରେ ଆନନ୍ଦର ଲହରି ଖେଳିଯିବା ସହ ନିଜ ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନରେ ସଭାସମିତି କରି ରାଜ୍ୟ ସରକାରଙ୍କ ବିକାଶମୂଳକ କାର୍ଯ୍ୟ ଉପରେ ଜନତାଙ୍କୁ ଅବଗତ କରାଉଥିବାର ନଜର ଆସିଛି। ଉମରକୋଟ ନିର୍ବାଚନ ମଣ୍ଡଳୀରେ କଂଗ୍ରେସ, ବିଜେଡି ଓ ବିଜେପି ମଧ୍ୟରେ ତ୍ରିମୁଖୀ ଲଢେଇର ସମ୍ଭାବନାକୁ ଏଡାଇ ଦିଆ ଯାଇ ନ ପାରେ। ତଥାପି ନବୀନାଙ୍କ କ୍ରେଜ ଦେଖିଲେ ଅତି ସହଜରେ ବିଜେଡି ଭୋଟ ହାତେଇବାରେ ସଫଳ ହେବ ବୋଲି ଆକଳନ କରାଯାଉଛି। ସ୍ଥାନୀୟ ବିଜେପି ବିଧାୟକ ଅଞ୍ଚଳ ସେପରି କୌଣସି ଆଖିଦୃଶିଆ କାମ ନ କରି ପାରିବା ସହ ଗୋଷ୍ଠୀ କନ୍ଦଳରେ ଜଡିତ ରହିବା ନବୀନାଙ୍କ ପାଇଁ ରାସ୍ତା ଆହୁରି ସରଳ ହେବ। ବିଗତ ଦିନରେ ବିଜେଡିର ବରିଷ୍ଠ ନେତା ଭିକେ ପାଣ୍ଡିଆନ ଉମରକୋଟ ଗସ୍ତ ବେଳେ ବହୁ ସ୍ବୟଂ ସହାୟକ ଗୋଷ୍ଠୀ, ଯୁବକ ସଂଘ ତଥା ବୁଦ୍ଧିଜୀବୀମାନେ ଭେଟି ନବୀନାଙ୍କ ପ୍ରାର୍ଥୀ କରାଯିବାରୁ କୃତଜ୍ଞତା ଜଣାଇଥିଲେ। ପ୍ରାୟ ୨୦ ହଜାରରୁ ଊର୍ଦ୍ଧ୍ବ କର୍ମୀ ଓ ଜନତାଙ୍କୁ ସମ୍ବର୍ଦ୍ଧିନ କରି ଅଞ୍ଚଳର ବିକାଶମୂଳକ କାର୍ଯ୍ୟ ପାଣିର ସମସ୍ୟା ଦୂର କରିବା ପାଇଁ ନିଜର ପ୍ରାଣ ପଦେ ଚେଷ୍ଟା କରି ସଫଳ କରିବା ସହ ନିଜ ପାଇଁ ଓ ସାଂସଦ ପ୍ରାର୍ଥୀ ପ୍ରଦୀପ ମାଝିଙ୍କ ପାଇଁ ଭୋଟ ଭିକ୍ଷା ନିବେଦନ କରିଥିଲେ। ଆଗାମୀ ସମୟରେ ଯୋଡି ଶଙ୍ଖ ଅଞ୍ଚଳର ବିକାଶକୁ ଦ୍ବିଗୁଣିତ କରିବା ସହ ଜିଲ୍ଲାର ୪ଟି ବିଧାନସଭା ଶଙ୍ଖ ସପକ୍ଷରେ ଯିବା କଥା ଦୃଢୋକ୍ତିର ସହ ପ୍ରକାଶ କରିଥିଲେ।
ବଢୁଛି ନବୀନାଙ୍କ କ୍ରେଜ୍, ବିରୋଧୀ ଶିବିରରେ କମ୍ପନ
