ନୂଆଦିଲ୍ଲୀ: ସରିଲା ଏନଡିଏର ସଂସଦୀୟ ଦଳ ବୈଠକ। ଅପରେସନ ସିନ୍ଦୂର ପରେ ଏହା ଏଡିଏର ପ୍ରଥମ ବୈଠକ । ବୈଠକ ପୂର୍ବରୁ ପ୍ରଧାନମନ୍ତ୍ରୀଙ୍କୁ ସମ୍ମାନିତ କରିଥିଲେ ସାଂସଦ । ସେହିପରି ଅପରେସନ ସିନ୍ଦୂରର ସଫଳତା ପାଇଁ ମୋଦିଙ୍କୁ ମାଳ ପିନ୍ଧାଇ ସ୍ବାଗତ କରିଥିଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ଏହି ସମୟରେ ହର ହର ମହାଦେବ ଏବଂ ଭାରତ ମାତା କି ଜୟ ସ୍ଲୋଗାନ୍ ଶୁଣିବାକୁ ମିଳିଥିଲା । ବୈଠକରେ ଅପରେସନ ସିନ୍ଦୂର ଏବଂ ଅପରେସନ ମହାଦେବର ସଫଳତା ପସ୍ତାବ ପାରିତ ହୋଇଛି । ଧାରା ୩୭୦ ଉଚ୍ଛେଦର ୬ ବର୍ଷ ପୂର୍ତ୍ତି ଏବଂ ଉପରାଷ୍ଟ୍ରପତି ନିର୍ବାଚନ ପୂର୍ବରୁ ଏନଡିଏର ଏହି ବୈଠକ ବେଶ ଗୁରୁତ୍ବପୂର୍ଣ୍ଣ ।
ସରକାର ବିରୋଧୀଙ୍କ ଚ୍ୟାଲେଞ୍ଜକୁ ଗ୍ରହଣ କରିବା ସହ ଅପରେସନ ସିନ୍ଦୂର ସମ୍ପର୍କରେ ଆଲୋଚନା କରାଯାଇଥିଲା । ଯେଉଁ ବୈଠକରେ ଲୋକସଭା ଏବଂ ରାଜ୍ୟସଭା ଉଭୟେ ଆଲୋଚନା କରିଥିଲେ । ଆଲୋଚନା ସମୟରେ ବିରୋଧୀ ଦଳଙ୍କ ପ୍ରଶ୍ନର ଉତ୍ତର ରଖିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଅପରେସନ ସିନ୍ଦୂର କାହିଁକି ବନ୍ଦ ହେଲା ଏବଂ କେତେ ଯୁଦ୍ଧ ବିକାନ ନିୟୋଜିତ ଥିଲା ବୋଲି ବିରୋଧୀ ପ୍ରଶ୍ନ କରିଥିଲେ । ଯାହାର ସମସ୍ତ ଉତ୍ତର ଆକ୍ରମଣାତ୍ମକ ଭାବେ ମୋଦି ନିଜେ ନିଜର ମତାମତ ରଖିଥିଲେ । ଏହା ସହିତ ସେ ଆହୁରି କହିଥିଲେ ଯେ, ବିଜେପି ସରକାର ଉରି ଆକ୍ରମଣ, ପୁଲୱାମା ଆକ୍ରମଣ ଏବଂ ୨୦୧୪ ମସିହା ପରେ ହୋଇଥିବା ପହଲଗାମ ଆକ୍ରମଣର ଉଚିତ୍ ଜବାବ ଦେଇଛି ।
