ଢେଙ୍କାନାଳ : ଆଜିଠୁ ବିଶ୍ଵପ୍ରସିଦ୍ଧ ଯୋରନ୍ଦା ମାଘମେଳା । ଚଳଚଞ୍ଚଳ ମହିମା ଗାଦି ପୀଠ । ଜମିଛି ସାଧୁସନ୍ଥ ଓ ଶ୍ରଦ୍ଧାଳୁଙ୍କ ଭିଡ଼ । ଦୂରଦୂରାନ୍ତରୁ ସନ୍ନ୍ୟାସୀମାନେ ଦୀର୍ଘ ୧ ମାସ ହେଲା ଚାଲି ଚାଲି ଆସି ମହିମାଗାଦିରେ ପହଞ୍ଚିଛନ୍ତି । ମହିମା ସମାଜ ପକ୍ଷରୁ ଗାଦିମନ୍ଦିର, ଅଖଣ୍ଡଜ୍ୟୋତି ମନ୍ଦିର, ଧୁନିମନ୍ଦିର, ଶୂନ୍ୟ ମନ୍ଦିର, ବତି ମନ୍ଦିର, ଏକୋଇଶ ହାଡିଆ ଟୁଙ୍ଗି ଆଦି ସଫା କରାଯାଇଛି ।
ଯୋରନ୍ଦା ମହିମା ଗାଦି ପୀଠରେ ଜଗତ କଲ୍ୟାଣ ଉଦ୍ଦେଶ୍ୟରେ ମହଣ ମହଣ ଘିଅରେ ବୃହତ ଝାଡ଼ଦୀପ ପ୍ରଜ୍ବଳନ କରାଯିବ । ଯୋରନ୍ଦା ମେଳାରେ ୧୦ ଲକ୍ଷରୁ ଉର୍ଦ୍ଧ ଶ୍ରଦ୍ଧାଳୁଙ୍କ ସମାଗମ ହେବ । ଆସନ୍ତା ୨ ତାରିଖ ପର୍ଯ୍ୟନ୍ତ ମୁଖ୍ୟ ମାଘ ମେଳା ଅନୁଷ୍ଠିତ ହେଉଥିବା ବେଳେ ଆଉ ୫ ଦିନ ଧରି ଦୋକାନ ବଜାର ଓ ବିଭିନ୍ନ ଯାତ୍ରା ପାଟି ପଡ଼ିବ । ମାଘ ମେଳା ପାଇଁ ପ୍ରଶାସନ ପକ୍ଷରୁ ପ୍ରସ୍ତୁତ ହୋଇଛି । ଶାନ୍ତିଶୃଙ୍ଖଳା ରକ୍ଷା ପାଇଁ ପୋଲିସ ଫୋର୍ସ ମୁତୟନ ହୋଇଛନ୍ତି ।
