ବଳଭଦ୍ରପୁର, ତା ୨୭ ମାର୍ଚ୍ଚ ୨୦୨୬: ବଳଭଦ୍ରପୁର ଗ୍ରାମ୍ୟ ଉନ୍ନୟନ କମିଟିଙ୍କ ଆୟୋଜନରେ ପବିତ୍ର ରାମନବମୀ ଉତ୍ସବ ଭକ୍ତିମୟ ପରିବେଶରେ ଭବ୍ୟ ଭାବରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ସମଗ୍ର ବଳଭଦ୍ରପୁର ଗ୍ରାମକୁ ଆଲୋକ ସଜ୍ଜା ଓ ଡେକୋରେସନ୍ ଦ୍ୱାରା ଆକର୍ଷଣୀୟ ଭାବେ ସୁସଜ୍ଜିତ କରାଯାଇଥିଲା।
ଉକ୍ତ କାର୍ଯ୍ୟକ୍ରମଟି ରାମେଶ୍ୱର ମନ୍ଦିର ପରିସରରେ ଅନୁଷ୍ଠିତ ହୋଇଥିଲା। ଏହି ଉତ୍ସବରେ ୧୦ଟି ସଂକୀର୍ତନ ମଣ୍ଡଳୀଙ୍କୁ ନିମନ୍ତ୍ରଣ କରାଯାଇଥିଲା। ପ୍ରଥମେ ବଳଭଦ୍ରପୁର ଯୁବକ ସଂଘ ଗୃହ ପାଖରେ ସମସ୍ତେ ଏକତ୍ରିତ ହୋଇ ଏକ ଭବ୍ୟ ଶୋଭାଯାତ୍ରାର ଆରମ୍ଭ କରିଥିଲେ। ମୃଦଙ୍ଗ ଓ ଝାଞ୍ଜର ମନୋମୁଗ୍ଧକର ଧ୍ୱନିରେ ସମଗ୍ର ଗ୍ରାମ ଭକ୍ତିରେ ମୁଗ୍ଧ ହୋଇଯାଇଥିଲା।
ଶୋଭାଯାତ୍ରାରେ ଲଉଡ଼ି ବାଡ଼ି ନାଚ ଏବଂ ଛୋଟ ପିଲାମାନେ ଭଗବାନ ରାମ, ଲକ୍ଷ୍ମଣ, ସୀତା ଓ ହନୁମାନ ଙ୍କ ବେଶଭୂଷା ପରିଧାନ କରି ଗ୍ରାମ ପରିକ୍ରମା କରିଥିଲେ। ପରେ ସମସ୍ତେ ରାମେଶ୍ୱର ମନ୍ଦିରରେ ପହଞ୍ଚି ୨୨ ଦିଗଭାଗ ସଂକୀର୍ତନ ମଣ୍ଡଳୀର ସର୍ବାଧିକାରୀଙ୍କ ନେତୃତ୍ୱରେ କୀର୍ତ୍ତନ କାର୍ଯ୍ୟକ୍ରମ ଆରମ୍ଭ ହୋଇଥିଲା।
ଏହି କାର୍ଯ୍ୟକ୍ରମରେ ବଳଭଦ୍ରପୁର ଗ୍ରାମର ଅଧିକାରୀ ନିରାକାର ପ୍ରସାଦ ଜେନା, ମହନ୍ତ ନୀଳକଣ୍ଠ ମହାନ୍ତି, କଟୁଆଳ ବିଷ୍ଣୁ ରାଉଳ, କୋଷାଧକ୍ଷ ଅମରେନ୍ଦ୍ର ରାଉତ, ଯୁବକ ସଂଘର ସଭାପତି ପ୍ରସନ୍ନ କୁମାର ରାଉତ, ଉପସଭାପତି ନାରାୟଣ ଚନ୍ଦ୍ର ଲେଙ୍କା ଓ ନୀତେଶ ସାହୁ, ସମ୍ପାଦକ ପ୍ରଦୀପ୍ତ ରାଉତ, ସହ-ସମ୍ପାଦକ ରାଧେଶ୍ୟାମ ଜେନା ଓ ଦିବାକର ଲେଙ୍କା ଉପସ୍ଥିତ ଥିଲେ। ବଳଭଦ୍ରପୁର ସଂକୀର୍ତନ ମଣ୍ଡଳୀର ସମସ୍ତ କର୍ମକର୍ତ୍ତାଙ୍କର ସହଯୋଗରେ କାର୍ଯ୍ୟକ୍ରମଟି ଶାନ୍ତି ଓ ଶୃଙ୍ଖଳାର ସହିତ ସଫଳତାର ସହ ସମାପନ ହୋଇଥିଲା।
