ଭୁବନେଶ୍ୱର: ଆର୍ଟିକ ମହାସାଗର ଉପରେ ୪୨ କିଲୋମିଟର ଯାତ୍ରା କରି ଇତିହାସ ରଚିଛନ୍ତି ପଶ୍ଚିମବଙ୍ଗ ବଡ଼ ବଜାର ବାସିନ୍ଦା ରାମ ଗୋପାଳ କୋଠରୀ | ସେ ଭୌଗୋଳିକ ଉତ୍ତର ମେରୁରେ ନିଜର ପ୍ରଥମ ପୂର୍ଣ୍ଣ ମାରାଥନରେ ଭାଗନେଇ ମାରାଥନ ଶେଷ କରିବାରେ ପ୍ରଥମ ଭାରତୀୟ ହୋଇଛନ୍ତି | ବଡ଼ ବଜାରରେ ଏକ ମଧ୍ୟବିତ୍ତ ପରିବାରରେ ଜନ୍ମ ଗ୍ରହଣ କରିଥିବା ରାମଗୋପାଳ କହିଛନ୍ତି, ମୁଁ ବହୁତ ଖୁସି ଯେ ମୋର ପ୍ରଥମ ମାରାଥନ ଶେଷ କରିଛି | ଏହା ସହିତ ସେ ପ୍ରଥମ ଭାରତୀୟ ଭାବେ ୯୦ ଡିଗ୍ରୀ ଉତ୍ତର ମେରୁର ଶିଖର ପର୍ଯ୍ୟନ୍ତ ସମସ୍ତ ୪୨ କିଲୋମିଟର ବରଫାଇତ ଆର୍ଟିକ ମହାସାଗର ଉପରେ ଦୌଡ଼ିବାର ଉଲ୍ଲେଖନୀୟ ସଫଳତା ହାସଲ କରିଛନ୍ତି | କୋଠରୀ କହିଛନ୍ତି ପ୍ରଥମେ ମୁଁ ବରଫ ସହିତ ସଂଘର୍ଷ କରୁଥିଲି କିନ୍ତୁ ଦୌଡ଼ର ଦ୍ଵିତୀୟାର୍ଦ୍ଧରେ ସୂର୍ଯ୍ୟ ଉଦୟ ହୋଇଥିଲା ଏବଂ ବରଫ ତରଳିବାକୁ ଲାଗିଲା |
ଏହା ଏହି ଅଞ୍ଚଳକୁ ଆହୁରି ଚ୍ୟାଲେଞ୍ଜିଙ୍ଗ କରିଦେଇଥିଲା | ମୁଁ ମୋ ଜୋତାରେ ବରଫ ଓ ବରଫ ପାଣି ଧରି ଦୌଡୁଥିଲି | ମୋ ପାଦ କୋଲ ମାରିଯାଉଥିଲା ଏବଂ ଅବସ୍ଥା ଅଧିକ ଖରାପ ହେବାରେ ଲାଗିଥିଲା | ତଥାପି ମୁଁ ଭାରତର ଭାବନାରେ ଅନୁପ୍ରାଣିତ ହୋଇ ଅଟଳ ରହିଥିଲି | ରାମ ଗୋପାଳ ହେଉଛନ୍ତି ଦେଶର ଜଣେ ଦୁଃସାହସିକ ଯାତ୍ରୀ | ତାଙ୍କ ଜୀବନର ମିଶନ ହେଉଛି ଅସାଧାରଣ ଜିନିଷ ଆବିଷ୍କାର କରିବା | ସେ ବର୍ତ୍ତମାନ ସୁଦ୍ଧା ୭ଟି ମହାଦେଶର ୬୯ ଦେଶ ଭ୍ରମଣ କରିଛନ୍ତି |
