ରଣପୁର, ୧୮/୦୮: ୭୯ତମ ଜିଲ୍ଲାସ୍ତରୀୟ ସ୍ୱାଧୀନତା ଦିବସରେ ନୟାଗଡ଼ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲଙ୍କ ହସ୍ତରୁ ସମ୍ମାନ ଗ୍ରହଣ କରିବାର ସୁଯୋଗ ପାଇଲେ ରଣପୁରର କୁନି ପ୍ରତିଭା ଶୁଭ୍ରାଂଶୁ ମହାପାତ୍ର। ଜିଲ୍ଲା ପ୍ରଶାସନ ତରଫରୁ ଆୟୋଜିତ ବିଭିନ୍ନ ପ୍ରତିଯୋଗିତାରେ ନୟାଗଡ଼ ଜିଲ୍ଲାର କନିଷ୍ଠ ବର୍ଗର ଦେଶାତ୍ମବୋଧକ ସଙ୍ଗୀତ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରି, ମାତ୍ର ୩ୟ ଶ୍ରେଣୀରେ ପଢୁଥିବା ଶୁଭ୍ରାଂଶୁ ରଣପୁରର ଗୌରବକୁ ଦେଶାତ୍ମବୋଧର ସୁରରେ ସାରା ଜିଲ୍ଲାରେ ପ୍ରତିଧ୍ୱନିତ କରିଛନ୍ତି। ଶୁଭ୍ରାଂଶୁଙ୍କ ପରିବାର ସାହିତ୍ୟ, ସଙ୍ଗୀତ ଓ ନାଟ୍ୟ ଜଗତରେ ପରିଚିତ।
ସେ ବରିଷ୍ଠ ନାଟ୍ୟକାର ଓ ନାଟ୍ୟ ନିର୍ଦ୍ଦେଶକ ସ୍ୱ. ତ୍ରିନାଥ ମହାପାତ୍ରଙ୍କ ନାତି। ତାଙ୍କ ପିତା ସତ୍ୟନାରାୟଣ ମହାପାତ୍ର (ବୁଢ଼ା ଭାଇନା) – ଓଡିଶା ସଙ୍ଗୀତ ଆକାଶରେ ଖ୍ୟାତିସମ୍ପନ୍ନ ସଙ୍ଗୀତ ନିର୍ଦ୍ଦେଶକ, କଣ୍ଠଶିଳ୍ପୀ ଓ ଅଧ୍ୟାପକ। ମା’ ସୁଜାତା ନନ୍ଦ – ଜଣେ ନିଷ୍ଠାବାନ୍ତି ଶିକ୍ଷୟିତ୍ରୀ। ରଣପୁରର ମାଟି, ଐତିହ୍ୟ ଓ ସଂସ୍କୃତିର ସୁଗନ୍ଧ ବହନ କରିଥିବା ଏହି କୁନି ପ୍ରତିଭାର ସଫଳତାର ଖବର ପ୍ରସାର ପାଇବା ସହିତେ, ସ୍ଥାନୀୟ ଲୋକ, ସାହିତ୍ୟିକ, ଶିକ୍ଷାଳୁଭୀ, ସଙ୍ଗୀତ ପ୍ରେମୀ ମହଳରୁ ଅଭିନନ୍ଦନର ଝରି ବହୁଛି। ଶୁଭ୍ରାଂଶୁ – ରଣପୁରର ନୂଆ ପ୍ରେରଣା, ଭବିଷ୍ୟତର ସଙ୍ଗୀତ ଆକାଶର ଉଦିତ ତାରା।
