କଟକ (ଭିଓଭି) ରୋଟାରି କ୍ଳବ୍ କଟକ, କ୍ୟାଣ୍ଟନମେଣ୍ଟ ଏବଂ ସରସ୍ୱତୀ ଶିଶୁ ବିଦ୍ୟା ମନ୍ଦିର ନୟାବଜାର କଟକ ମିଳିତ ଭାବରେ ଏକ ସଡକ ସୁରକ୍ଷା ଜନ ସଚେତନତା କାର୍ଯ୍ୟକ୍ରମ ଆୟୋଜନ କରିଥିଲେ। ଏଥିରେ ସ୍କାଉଟ୍ ଓ ଗାଇଡ୍ ଛାତ୍ର-ଛାତ୍ରୀମାନଙ୍କ ସହିତ ରୋଟାରି ଡିଷ୍ଟ୍ରିକ୍ଟ୍ ଚେୟାର୍ ଡକ୍ଟର ଅମୀୟବାଳା ପରିଡା, ସ୍କୁଲ ସ୍କାଉଟ୍ ଗାଇଡ୍ ଶିକ୍ଷକ ବନିତା ପତି, ମାନସୀ ଭଟାଚାର୍ଯ୍ୟ ଓ ପ୍ରକାଶ ରାଣା ଉପସ୍ଥିତ ଥିଲେ। ଏହା ଏକ ଭିନ୍ନ ଶୈଳୀର ସଡ଼କ ସୁରକ୍ଷା ସଚେତନତା କାର୍ଯ୍ୟକ୍ରମ ଥିଲା। ଏହି ଅନନ୍ୟ କାର୍ଯ୍ୟକ୍ରମଟି ସାଧାରଣ ଜନତାଙ୍କ ଦୃଷ୍ଟି ଆକର୍ଷଣ କରିଥିଲା। ଟ୍ରଫିକ୍ ଅନୁମତି ସହିତ ଏହା କଟକ ରୁ ପାରାଦୀପ ଜାତୀୟ ରାଜପଥ ଏବଂ ପାଖରେ ଥିବା ସର୍ଭିସ୍ ରୋଡ୍ ନିକଟରେ କରାଯାଇଥିଲା।
ଏହି କାର୍ଯ୍ୟକ୍ରମରେ ଯମ ରାଜା ଭୂମିକାରେ ଅଭିନେତା ଆଶିଷ ତ୍ରିପାଠୀଙ୍କ ଅଭିନୟ, ସଚେତନତା, ଛାତ୍ର ସମାବେଶ ଏବଂ କ୍ଲବ୍ ସଦସ୍ୟଙ୍କ ପରାମର୍ଶ ସାଧାରଣ ଜନତାଙ୍କ ଉପରେ ବହୁତ ଭଲ ପ୍ରଭାବ ପକାଇଥିଲା। ରୋଟାରି କ୍ଳବ୍ ର ଅନେକ ସଫଳ କାର୍ଯ୍ୟକ୍ରମ ମଧ୍ୟରୁ ଏହା ଅନ୍ୟତମ। ସଡକ ସୁରକ୍ଷା ସଚେତନତା ଯାତ୍ରା ଅବସରରେ କ୍ଲବ୍ ସଭାପତି ଶୁଭ୍ରା ମହାନ୍ତି, ସରସ୍ୱତୀ ଶିଶୁ ବିଦ୍ୟା ମନ୍ଦିରର ପ୍ରଧାନ ଶିକ୍ଷକ ଶ୍ରୀ ମନୋଜ ରଞ୍ଜନ ସେଠୀଙ୍କୁ ଏକ ପ୍ରାଥମିକ ଚିକିତ୍ସା ବାକ୍ସ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ କ୍ଲବ୍ ସଚିବ ପ୍ରଭାତ ମିଶ୍ର, ସର୍ଭିସ୍ ଚେୟାରପର୍ସନ୍ ବିଶ୍ୱଜିତ ସେନାପତି, ଉପାଧ୍ୟକ୍ଷ ଅନଙ୍ଗ ନାୟକ ଏବଂ ସଦସ୍ୟ ବିଦ୍ୟାଧର ଦାଶ ପ୍ରମୁଖ ଉପସ୍ଥିତ ଥିଲେ।
