କଟକ (ଭିଓଭି): ରୋଟାରୀ କ୍ଳବ୍ କଟକ କ୍ୟାଣ୍ଟନମେଣ୍ଟ ନୂତନ ବର୍ଷ ୨୦୨୫’କୁ ଭିନ୍ନ ଉପାୟରେ ପାଳନ କରିଛି। କ୍ଲବର ସଦସ୍ୟମାନେ ୫’ପ୍ରକାର ବିକାଶ ପ୍ରକଳ୍ପ କରିଛନ୍ତି। ପ୍ରଥମ ପ୍ରକଳ୍ପରେ ସମସ୍ତ ବୃଦ୍ଧାବୃଦ୍ଧ ଓ ଯୁବକମାନଙ୍କୁ ଉତ୍ତମ ସ୍ୱାସ୍ଥ୍ୟ ପାଇଁ ଯୋଗ ତାଲିମ ଶିବିର ମଙ୍ଗଳପୁର ଅଞ୍ଚଳରେ କରିଛନ୍ତି। ଦ୍ୱିତୀୟ ପ୍ରକଳ୍ପରେ ଭଲ ପରିବେଶ ଓ ସୈାନ୍ଦର୍ଯ୍ୟକରଣ ପାଇଁ ଫୁଲଗଛ ରୋପଣ ଚୌଦ୍ୱାର ନିକଟ ଆଗ୍ରାହାଟ ଅଞ୍ଚଳରେ କରିଛନ୍ତି। ମଙ୍ଗଳପୁର ଅଞ୍ଚଳରେ ତୃତୀୟ ପ୍ରକଳ୍ପ ମାଧ୍ୟମରେ ବୃଦ୍ଧା ଓ ବୃଦ୍ଧଙ୍କ ପାଇଁ ଖାଦ୍ୟ ସାମଗ୍ରୀ, ଫଳ ଏବଂ ବିସ୍କୁଟ ବଣ୍ଟନ କରିଛନ୍ତି। ଚତୁର୍ଥ ପ୍ରକଳ୍ପ ସେହି ମଙ୍ଗଳପୁର ଅଞ୍ଚଳର ବୃଦ୍ଧା ଓ ବୃଦ୍ଧଙ୍କୁ ମଶାରୀ ବଣ୍ଟନ କରିଛନ୍ତି। ପଞ୍ଚମ ପ୍ରକଳ୍ପରେ କଟକ ବିଶିନାବର ଅଞ୍ଚଳରେ ଯକ୍ଷ୍ମା ରୋଗ ନିରାକରଣ ପାଇଁ ସଚେତନତା ସ୍ଵରୁପ ମେଗା ରାଲି କରିଛନ୍ତି। କ୍ଲବ୍ ସଭାପତି ଶୁଭ୍ରା ମହାନ୍ତିଙ୍କ ଦ୍ୱାରା ଆୟୋଜିତ ଏହି ସମସ୍ତ ୫ପ୍ରକାର ତାରକା ପ୍ରକଳ୍ପରେ ରୋଟାରୀ କ୍ଲବ୍ କଟକ, କ୍ୟାଣ୍ଟନମେଣ୍ଟର ସର୍ଭିସ ପ୍ରୋଜେକ୍ଟ ଚେୟାରମ୍ୟାନ୍ ବିଶ୍ୱଜିତ ସେନାପତି, ସମ୍ପାଦକ ପ୍ରଭାତ ମିଶ୍ର ଏବଂ ଅନଙ୍ଗ ନାୟକ ପ୍ରମୁଖ ସହଯୋଗ କରିଥିଲେ। ସାଧାରଣ ଲୋକଙ୍କ ବିକାଶ ପାଇଁ ରୋଟାରୀ କ୍ଲବ୍ କଟକ କ୍ୟାଣ୍ଟନମେଣ୍ଟ ସର୍ବଦା ପ୍ରୟାସ କରୁଅଛି।
ରୋଟାରୀ କ୍ଳବ୍ କଟକ କ୍ୟାଣ୍ଟନମେଣ୍ଟର ୫-ତାରକା ପ୍ରକଳ୍ପ ପାଳନ
