ରଣପୁର: (ଭିଓଭି) ବୃନ୍ଦାବନପୁର ବାସିନ୍ଦା ଅବସରପ୍ରାପ୍ତ ବ୍ୟାଙ୍କ କର୍ମଚାରୀ ଶ୍ରୀ ବ୍ରଜବନ୍ଧୁ ରଥ ଗତକାଲି ସନ୍ଧ୍ୟାରେ ଇହଧାମ ତ୍ୟାଗ କରିଛନ୍ତି। କିଛିଦିନ ହେଲା ସେ ଅସୁସ୍ଥ ଥିଵାରୁ ଚିକିତ୍ସାରେ ଥିଲେ। ସେ ଜଣେ ଅତ୍ୟନ୍ତ ଅମାୟିକ, ନିଷ୍କପଟ ଓ ଦରଦୀ ମଣିଷ ଭାବେ ଅଞ୍ଚଳବାସୀଙ୍କ ପାଖରେ ପରିଚିତ ଥିଲେ। ନିଜର ସଂଘର୍ଷମୟ ବାଲ୍ୟ ଜୀବନରୁ ଅନେକ ଶିକ୍ଷାଲାଭ କରି କାହାର ସଂଘର୍ଷ ଓ ଦୁଃଖ ଦେଖିଲେ ସେ ଅଚିରେ ସହାୟତାର ହାତ ବଢ଼ାଇ ଦେଉଥିଲେ।
ତାଙ୍କର ମୃତ୍ୟୁ ପାଇଁ ସମଗ୍ର ବୃନ୍ଦାବନପୁର ଓ ଆଖପାଖ ଅଞ୍ଚଳରେ ଶୋକର ଛାୟା ଖେଳିଯାଇଛି। ମୃତ୍ୟୁ ଶଯ୍ୟା ନିକଟରେ ତାଙ୍କର ଧର୍ମପତ୍ନୀ, ଏକମାତ୍ର ପୁଅ ବିଭୁ ପ୍ରସାଦ, ପୁତ୍ରବଧୂ, ନାତି, ଦୁଇ ଝିଅ, ସାନ ଭାଇ ନବକିଶୋର ରଥ ଓ ଆତ୍ମୀୟ ସ୍ଵଜନ ଓ ପରିବାର ଲୋକ ଉପସ୍ଥିତ ଥିଲେ। ନିଜ ଗ୍ରାମ ବୃନ୍ଦାବନପୁର ଶ୍ମଶାନରେ ତାଙ୍କର ଅନ୍ତିମ ସଂସ୍କାର କରାଯାଇଛି ବୋଲି ସାନଭାଇ ସୂଚନା ଦେଇଛନ୍ତି।
