ବ୍ରହ୍ମପୁର : ପୀତବାସ ପଣ୍ଡା ହତ୍ୟା ମାମଲାରେ ଚାଞ୍ଚଲ୍ୟକର ତଥ୍ୟ । ବିକ୍ରମ ପଣ୍ଡାଙ୍କ ସହ ଅଛି ମହିଳାଙ୍କ ଆପତ୍ତି ଜନକ ଫଟୋ ? ପୋଲିସ ଦେଇଥିବା ଚାର୍ଜ ସିଟର ଦୁଇଟି ଫର୍ଦ୍ଦରେ ଅଛି ଦୁଇ ମହିଳାଙ୍କ ବିସ୍ଫୋରକ ବୟାନ । ଗୋଟିଏ ବୟାନରେ ପୀତବାସ ପଣ୍ଡାଙ୍କ ସ୍ତ୍ରୀ କହିଛନ୍ତି ବିକ୍ରମଙ୍କ ସହ ଜଣେ ମହିଳାଙ୍କ ଆପତ୍ତି ଜନକ ଫୋଟୋ ଥିବା ଏକ ପେନଡ୍ରାଇଭ ପୋଲିସ ତାଙ୍କ ସିକ୍ରେଟ ଚାମ୍ବରରୁ ଜବତ କରିଥିଲେ ।
ଅନ୍ୟପଟେ ଆଉ ଜଣେ ମହିଳା କହିଛନ୍ତି ବିକ୍ରମ ପଣ୍ଡାଙ୍କ ଘରକୁ ଯାଇଥିବା ବେଳେ ତାଙ୍କ ରୁମରେ ସେହି ମହିଳା ଜଣକ ଆପତ୍ତି ଜନକ ଅବସ୍ଥାରେ ଥିଲେ l ତେବେ ଏହି ଅଭିଯୋଗ ଓ ଫଟୋକୁ ବିକ୍ରମଙ୍କ ଓକିଲ ଦୀପକ ପଟ୍ଟନାୟକ ଖଣ୍ଡନ କରିଛନ୍ତି । ଏହାକୁ ଷଡ଼ଯନ୍ତ୍ର ବୋଲି କହି ସେ ସବୁ ଫୋଟୋ କପି ପ୍ରଦାନ କରିବା ପାଇଁ କୋର୍ଟରେ ପିଟିସନ ଦାଖଲ କରିଛନ୍ତି l ପୋଲିସ ସିଜର ଲିଷ୍ଟରେ କୌଣସି ଫୋଟୋ କିମ୍ବା ପେନଡ୍ରାଇଭ ଦାଖଲ ହୋଇନଥିବା କହିଛନ୍ତି ଦୀପକ l
