ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣ ପରେ ଖାଲିସ୍ତାନୀ ଆତଙ୍କବାଦୀ ଗୁରୁପତୱନ୍ତ ସିଂ ପନ୍ନୁ ପାକିସ୍ତାନର ସମର୍ଥନରେ ଆସିଛି। ସେ କହିଛି ଯେ, ସେ ଭାରତୀୟ ସେନାକୁ ପାକିସ୍ତାନ ଉପରେ ଆକ୍ରମଣ କରିବାକୁ ଦେବେ ନାହିଁ। ପନ୍ନୁ ଆହୁରି ମଧ୍ୟ ଦାବି କରିଛି ଯେ, ପାକିସ୍ତାନ ସହ ଲଢିବା ପାଇଁ ଭାରତର ସାହସ ନାହିଁ। ଏହି ବିବୃତ୍ତି ଏପରି ଏକ ସମୟରେ ଆସିଛି ଯେତେବେଳେ ପହଲଗାମ, ଜାମ୍ମୁ କାଶ୍ମୀରରେ ଆତଙ୍କବାଦୀ ଆକ୍ରମଣ ପରେ ଭାରତ ଏହା ଉପରେ ଆକ୍ରମଣ କରିପାରିବ ବୋଲି ପାକିସ୍ତାନ ସନ୍ଦେହ କରୁଛି।
ପନ୍ନୁ କହିଛି ଯେ, ଆମେ ଭାରତୀୟ ସେନାକୁ ପଞ୍ଜାବ ଦେଇ ପାକିସ୍ତାନ ଉପରେ ଆକ୍ରମଣ କରିବାକୁ ଦେବୁ ନାହିଁ। ଆମେ ୨ କୋଟି ଶିଖ, ପାକିସ୍ତାନ ସହ ମଜବୁତରେ ଠିଆ ହୋଇଛୁ।” ସେ ଅଭିଯୋଗ କରିଛନ୍ତି ଯେ, “ଶିଖ ଏବଂ ଅନ୍ୟ ଅଳ୍ପସଂଖ୍ୟକମାନଙ୍କୁ ଭାରତରେ ଅତ୍ୟାଚାର କରାଯାଉଛି। ବର୍ତ୍ତମାନ ସମୟ ବଦଳି ଯାଇଛି, ଏହା ୧୯୬୫ କିମ୍ବା ୧୯୭୧ ନୁହେଁ, ଏହା ୨୦୨୫ ଅଟେ।”
ପନ୍ନୁ ବିବୃତ୍ତିରେ କହିଛି ଯେ, ପାକିସ୍ତାନର ନାମ ନିଜେ ଶୁଦ୍ଧତାର ପ୍ରତୀକ ଏବଂ ଏହା ସେମାନଙ୍କର ପରମ୍ପରା ଯେ ସେମାନେ କେବେ ବି ଆକ୍ରମଣ ଆରମ୍ଭ କରନ୍ତି ନାହିଁ। ସେ ଚେତାବନୀ ଦେଇ କହିଛନ୍ତି ଯେ, ଯିଏ ଆକ୍ରମଣ କରେ ତାହାର ଅନ୍ତ ଖରାପ ହୋଇଥାଏ- ସେ ଇନ୍ଦିରା ଗାନ୍ଧୀ, ନରେନ୍ଦ୍ର ମୋଦୀ କିମ୍ବା ଅମିତ ଶାହା ହୁଅନ୍ତୁ। ସେ କହିଛି ଯେ, ଅନ୍ତର୍ଜାତୀୟ ଆଇନ ଅନୁଯାୟୀ ସେ ମୋଦୀ, ଡୋଭାଲ, ଅମିତ ଶାହା ଏବଂ ଜୟଶଙ୍କରଙ୍କୁ ଦଣ୍ଡ ଦେବେ। ପନ୍ନୁ ଅଭିଯୋଗ କରିଛି ଯେ, ରାଜନୈତିକ ଫାଇଦା ପାଇଁ ଭାରତ ପହଲଗାମରେ ନିଜର ହିନ୍ଦୁମାନଙ୍କୁ ହତ୍ୟା କରିଛି।
