ରଣପୁର ୦୭/୨: ଗତ ଦୁଇଦିନତଳେ କେରଣ୍ଡାଟାଙ୍ଗୀ ପଞ୍ଚାୟତ କୁକୁଡାଝରି ଗ୍ରାମରେ ଦନ୍ତା ହାତୀ ଜଣକୁ ଆକ୍ରମଣ କରିଥିବା ବେଳେ ସେ ଡାକ୍ତରଖାନା ରେ ଚିକିଶ୍ଚିତ ହେଉ ଛନ୍ତି l ଶୁକ୍ରବାର ରାତ୍ର ୮ଟାବେଳେ ମହତପଲ୍ଲା ଗ୍ରାମପଞ୍ଚାୟତ ର ବିରୁଡ଼ା ଗ୍ରାମ କୋଠଘର ନିକଟରେ ଭିକାରି ବେହେରା (୫୦)ନାମକ ଜାଣେବ୍ୟକ୍ତି ବସିଥିବା ବେଳେ ହଠାତ ଏକ ହାତୀ ତାଙ୍କୁ ଶୁଣ୍ଢରେ ଉଠାଇ ନେଇ ଚକଟି ଦେଇଥିଲା l
ଫଳରେ ହାତୀ ଆକ୍ରମଣର ଶିକାର ହୋଇଥିବା ବ୍ୟକ୍ତିଜଣକ ରକ୍ତାକ୍ତ ହୋଇ ଘଟଣା ସ୍ଥଳରେ ପ୍ରାଣ ହରାଇଥିବା ସୂଚନା ମିଳିଛି l ଏହି ଖବର ଶୁଣିବା ପରେ ରାସ୍ତାଘାଟରେ ଯିବାପାଣି ଭୟଭୀତ ଥିବାବେଳେ ସମଗ୍ର ଆଖପାଖ ଅଞ୍ଚଳରେ କୋକୁଆ ଭୟ ସୃଷ୍ଟି ହୋଇଛି l ଏହିଭଳି ଘଟଣା ବାରମ୍ବାର ଘଟୁଥିବା ସହ ଲୋକମାନଙ୍କର ଫସଲ ଓ ଧନ ଜୀବନ ପ୍ରତି ବିପଦ ଲାଗିରହିଥିବା ବେଳେ ପ୍ରଶାସନ ନିରବ ଦ୍ରଷ୍ଟା ସାଜିଥିବା ଅଭିଯୋଗ ହେଉଛି l
