ନୂଆଦିଲ୍ଲୀ: ଗତକାଲି ବିଶ୍ବର ସର୍ବୋଚ୍ଚ ରେଲୱେ ବ୍ରିଜକୁ ଉଦ୍ଘାଟନ କରିଥିଲେ ପ୍ରଧାନମନ୍ତ୍ରୀ ମୋଦି । ଜମ୍ମୁ କଶ୍ମୀରର ଚେନାବ ନଦୀ ଉପରେ ନିର୍ମିତ ବିଶ୍ୱର ଉଚ୍ଚତମ ରେଲୱେ ବ୍ରିଜ ଉଦଘାଟନ କରି ପତାକା ଦେଖାଇ ଉଦ୍ଘାଟନ କରିଥିଲେ । ଏପଟେ ଆଜିଠାରୁ ଟ୍ରେନ୍ ସେବା କଟରାରୁ ଶ୍ରୀନଗରକୁ ଆରମ୍ଭ କରିଛି । ଯାତ୍ରୀଙ୍କ ସେବା ପାଇଁ ୨ଟି ଟ୍ରେନର ବ୍ୟବସ୍ଥା ରଖାଯାଇଛି । ଏହି ଟ୍ରେନରେ ଯାତ୍ରୀମାନେ ମାତ୍ର ୩ଘଣ୍ଟା ମଧ୍ୟରେ ଜମ୍ମୁକାଶ୍ମୀରରୁ ବାହାରି ଶ୍ରୀନଗରରେ ପହଞ୍ଚିବାର ସୁବିଧା ପାଇ ପାରିବେ । ଯାହାର ସେବା ଯାତ୍ରୀଙ୍କୁ ମାତ୍ର ୬ଦିନ ପାଇଁ ଯୋଗାଇ ଦିଆଯିବ ।
ସୂଚନାନୁଯାୟୀ, ପ୍ରଥମ ଟ୍ରେନ(୨୬୪୦୧) କଟରାରୁ ଶ୍ରୀନଗର ଯାତ୍ରା ପାଇଁ ୮.୧୦ରେ ଗଡିବ । ଶ୍ରୀନଗର ଯାତ୍ରା ସମୟରେ ଟ୍ରେନଟି ବେନିହାଲରେ ୨ ମିନିଟ୍ ପାଇଁ ରହିବ । ପରେ ପ୍ରାୟ ୧୧ଟାରେ ଶ୍ରନଗରରେ ପହଞ୍ଚିବ । ଯାତ୍ରୀ ଯିବା ପାଇଁ ୨ ପ୍ରକାର ସିଟ୍ ବ୍ୟବସ୍ଥା ରହିଛି । ଏହା ଛଡା ୨ ଟି ସିଟର ମୂଲ୍ୟ ଅଲଗା ରହିଛି । ଏହି ପ୍ରଥମ ଟ୍ରେନ୍ କାରର ଭଡା ୭୧୫ ଟଙ୍କା ଥିବାବେଳେ ଅନ୍ୟ ଏକଜିକ୍ୟୁଟିଭ୍ ଚେୟାର କାରର ଭଡା ୧୩୨୦ ଟଙ୍କା ରହିଛି ।
ସେହିପରି ଦ୍ବିତୀୟ ଟ୍ରେନଟି(୨୬୪୦୩) ଦ୍ବିପ୍ରହର ୨.୫୫ରେ କଟରାରୁ ବାହାରି ଶ୍ରୀନଗରରେ ୫.୫୩ରେ ପହଞ୍ଚିବ । ଏହି ଟ୍ରେନ ସିଟର ମୂଲ୍ୟ ୬୬୦ ଟଙ୍କା ଥିବାବେଳେ ଏକଜିକ୍ୟୁଟିଭ୍ ସିଟ୍ ପାଇଁ ୧୨୭୦ ଟଙ୍କା ଧାର୍ଯ୍ୟ କରାଯାଇଛି । ଯାତ୍ରୀମାନେ IRCTC ଆପ୍ ମାଧ୍ୟମରେ ଟ୍ରେନ୍ ଟିକେଟର ବୁକିଂ କରିପାରିବେ । ଏଥିପାଇଁ ପୂର୍ବରୁ ID କ୍ରିଏଟ କରି ଲଗଇନ୍ କରିବାକୁ ପଡିବ । ଏହା ସହିତ ବୁକିଂ କରିବାବେଳେ ଯାତ୍ରୀ ଧାର୍ଯ୍ୟ ହୋଇଥିବା ସମୟ ମଧ୍ୟରୁ ଗୋଟିଏକୁ ବାଛିବାକୁ ପଡିବ । ବେନିହାଲ ବ୍ୟତୀତ ଟ୍ରେନଟି କେଉଁଠାରେ ମଧ୍ୟ ଅଟକିବ ନାହିଁ । ତେଣୁ ଯାତ୍ରୀଙ୍କୁ ଠିକ୍ ସମୟ ଅନୁସାରେ ଖାଇବା ଯୋଗାଇ ଦିଆଯିବ । ଯାତ୍ରଙ୍କ ସୁରକ୍ଷା ବ୍ୟବସ୍ଥାକୁ ସର୍ବୋତ୍ତମ ଭାବେ ଧ୍ୟାନ ଦିଆଯିବ ।
