ଇଣ୍ଡି ମେଣ୍ଟ ପକ୍ଷରୁ ଆଜି ୧୨Odisha Bandh ଘଣ୍ଟିଆ ଓଡ଼ିଶା ବନ୍ଦ ପାଳନ । ୪ ଦଫା ଦାବି ନେଇ ସକାଳ ୬ରୁ ସଂଧ୍ୟା ୬ଟା ଯାଏଁ ବନ୍ଦ ପାଳନ କରାଯାଉଛି । ଏମ୍ଏମ୍ଡିଆର୍ ଆଇନ ରଦ୍ଦ, ମୁଖ୍ୟ ନିର୍ବାଚନ କମିସନର ଜ୍ଞାନେଶ କୁମାରଙ୍କୁ ତୁରନ୍ତ ବରଖାସ୍ତ, ରାଜ୍ୟ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ଇସ୍ତଫା, ବନ୍ୟା ପ୍ରଭାବିତ ଲୋକଙ୍କୁ ପର୍ଯ୍ୟାପ୍ତ ରିଲିଫ୍ ଓ ପୁନର୍ବାସ ସହାୟତା ଯୋଗାଇବା ଦାବିରେ ଏହି ବନ୍ଦ ଡାକରା ଦିଆଯାଇଛି।
ସମସ୍ତ ଅତ୍ୟାବଶ୍ୟକ ସେବା ଏବଂ ପରୀକ୍ଷାର୍ଥୀଙ୍କୁ ବାଦ୍ ଦେଇ ସବୁ ବନ୍ଦ ରହିବ । ଓଡ଼ିଶା ବନ୍ଦକୁ ସମର୍ଥନ କରିବାକୁ ମିଳିତ ବିରୋଧୀ ଦଳ ପକ୍ଷରୁ ରାଜ୍ୟବାସୀଙ୍କୁ ଅପିଲ୍ କରାଯାଇଛି ।
ବନ୍ଦ ସମୟରେ ରାଜପଥ, ଜାତୀୟ ରାଜପଥ, ରେଳ ଷ୍ଟେସନ ଓ ଅନ୍ୟାନ୍ୟ ପ୍ରମୁଖ ସ୍ଥାନରେ ପର୍ଯ୍ୟାପ୍ତ ପୋଲିସ ମୁତୟନ ସହ ପାଟ୍ରୋଲିଂ ବୃଦ୍ଧି କରାଯାଇଛି । ଅନ୍ୟପଟେ ବନ୍ଦ ଯୋଗୁ ବସ, ଅଟୋ ଚଳାଚଳ ସହ ଜନଜୀବନ ପ୍ରଭାବିତ ହୋଇଥିବା ବେଳେ ଯାତ୍ରୀମାନେ ନାନା ଅସୁବିଧାରେ ପଡ଼ିଛନ୍ତି।
କଂଗ୍ରେସ ନେତୃତ୍ୱରେ ପରିଚାଳିତ ଏହି ଆନ୍ଦୋଳନରେ ସିପିଆଇ , ସିପିଆଇ-ଏମ୍ , ସିପିଆଇ-ଏମଏଲ୍, ଫରୱାର୍ଡ ବ୍ଲକ୍, ଏସପି , ଏନସିପି , ଆରଜେଡି ଏବଂ ଜେଏମଏମ ଭଳି ଦଳଗୁଡ଼ିକ ସାମିଲ ଅଛନ୍ତି। ଶାନ୍ତିପୂର୍ଣ୍ଣ ଭାବେ ରାଲି, ବିକ୍ଷୋଭ, ପିକେଟିଂ ଓ ଧାରଣା ଦେବା ପାଇଁ ସମର୍ଥକମାନଙ୍କୁ ନିବେଦନ କରାଯାଇଛି।
