ସତ୍ୟବାଦୀ: ୨୫-୦୧-୨୦୨୬ ପଞ୍ଚସଖା ମେମୋରିଆଲ କ୍ଲବ ଦ୍ବାରା ଆୟୋଜିତ ୨୯ତମ ପଞ୍ଚସଖା ଓ ପ୍ରଥମ ସୂର୍ଯ୍ୟ ପଟ୍ଟନାୟକ ସ୍ମାରକୀ କ୍ରିକେଟ୍ ଟୁର୍ଣ୍ଣାମେଣ୍ଟର ଆଜି ଉଦଯାପନୀ ଦିବସରେ ଜଟଣୀ କ୍ରିକେଟ ଆସୋସିଏସନ୍ ଓ ପୁରୀ ପାୟୋନିୟର୍ସ ମଧ୍ୟରେ ଫାଇନାଲ ମ୍ୟାଚ୍ ଅନୁଷ୍ଠିତ ହୋଇଥିଲା। ସାକ୍ଷୀଗୋପାଳ ଉତ୍କଳମଣି ଗୋପବନ୍ଧୁ ସ୍ମୃତି ମହାବିଦ୍ୟାଳୟ ଖେଳପଡିଆରେ ଅନୁଷ୍ଠିତ ହୋଇଥିବା ଏହି ମ୍ୟାଚରେ ପୁରୀ ଦଳ ଟସ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତି ନେଇ ନିର୍ଦ୍ଧାରିତ ୨୫ ଓଭରରେ ବିଶାଳ ରଞ୍ଜନ ଜେନାଙ୍କର ୭୯, ଦେବାଶିଷ ଦାସ ୫୦ ଓ ମୟଙ୍କ ପଟ୍ଟନାୟକଙ୍କ ୪୬ ରନ ସହାୟତାରେ ୨୬୧ରନ ସଂଗ୍ରହ କରିଥିଲେ ଜବାବରେ ଜଟଣୀ ଦଳ ୨୩୦ ରନ କରିଥିଲେ। ପୁରୀ ପାୟୋନିୟର୍ସ ଦଳ ୩୧ରନରେ ବିଜୟ ହାସଲ କରି ପ୍ରଥମ ସୂର୍ଯ୍ୟ ପଟ୍ଟନାୟକ ମେମୋରିଆଲ କପ୍ ହାସଲ କରିଥିଲେ। ଆଜିର ମ୍ୟାଚ୍ କୁ ଦେବ ମିଶ୍ର ଓ ସତ୍ୟ ସାଗର ଦାଶ ପରିଚାଳନା କରିଥିଲେ।
ଖେଳ ଶେଷରେ ପୁରୀ ଏକାଦଶର ମହେଶ ପ୍ରଧାନଙ୍କୁ ତାଙ୍କର ଆକର୍ଷଣୀୟ ବୋଲିଂ (୫-୩୨-୪) ପ୍ରଦର୍ଶନ ପାଇଁ ମ୍ୟାଚର ଶ୍ରେଷ୍ଠ ଖେଳାଳୀ ପୁରସ୍କାର ଓ ସେଇ ପୁରୀ ପାୟୋନିୟର୍ସ କ୍ଲବର ବ୍ୟାଟ୍ସମ୍ୟାନ୍ ମୟଙ୍କ ପଟ୍ଟନାୟକ ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ ପୁରସ୍କାର ପାଇଥିଲେ। ଆଜିର ମ୍ୟାଚରେ ଭାଷ୍ୟକାର ରାଧାକ୍ରିଷ୍ଣ ମୁନା ସିଂ ସମ୍ପୁର୍ଣ୍ଣ ମ୍ୟାଚର ଧାରା ବିବରଣୀ ପ୍ରଦାନ କରିଥିଲେ। ମ୍ୟାଚ୍ ଆରମ୍ଭରୁ ସତ୍ୟବାଦୀ ତହସିଲଦାର ଶ୍ରୀ ସନ୍ତୋଷ କୁମାର ପାଣିଗ୍ରାହୀ ଅତିଥି ରୂପେ ଯୋଗଦେଇ ଫାଇନାଲ ମ୍ୟାଚ ଉଦଘାଟନ କରିଥିଲେ। ଶେଷରେ ଟୁର୍ଣ୍ଣାମେଣ୍ଟର ଉଦଯାପନୀ ଉତ୍ସବରେ ସତ୍ୟବାଦୀ ବିଧାୟକ ଶ୍ରୀଯୁକ୍ତ ଓମ୍ ପ୍ରକାଶ ମିଶ୍ର ମୂଖ୍ୟ ଅତିଥି ଭାବେ ଯୋଗଦେଇ ଚମ୍ପିୟାନ ପୁରୀ ଦଳକୁ ଟ୍ରଫି ସହ ନଗଦ ୨୫୦୦୦ ଟଙ୍କା ଓ ରନରଅପ ଜଟଣୀ ଦଳକୁ ସାକ୍ଷୀଗୋପାଳ ଉତ୍କଳମଣି ଗୋପବନ୍ଧୁ ସ୍ମୃତି ମହାବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ପୁଷ୍ପମିତ୍ରା ପଟ୍ଟନାୟକ ଟ୍ରଫି ସହ ୧୫୦୦୦ ଟଙ୍କା ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ପଞ୍ଚସଖା ମେମୋରିଆଲ କ୍ଲବର ସଭାପତି ସୂର୍ଯ୍ୟପ୍ରସାଦ ରଥ, ସଂପାଦକ ଉମାଶଙ୍କର ମହାପାତ୍ର ତଥା ପିଏମସିର ବରିଷ୍ଠ ଖେଳାଳୀ ଦୀପକ ଶତପଥୀ ତଥା ପିଏମସିର ସମସ୍ତ ସଦସ୍ୟ ଉପସ୍ଥିତ ରହିଥିଲେ। ଉଦଯାପନୀ ଉତ୍ସବକୁ ବିଶିଷ୍ଟ ଅଭିନେତା ନଟବର ଆଚାର୍ଯ୍ୟ ପରିଚାଳନା କରିଥିଲେ।
