ନୂଆଦିଲ୍ଲୀ: ସୈଫ ଅଲ୍ଲୀ ଖାନଙ୍କୁ ଆକ୍ରମଣ କରିଥିବା ଯୁବକକୁ ଗିରଫ କରିଛି ମୁମ୍ବାଇ ପୋଲିସର ସ୍ପେଶାଲ ଟିମ୍ । ଆକ୍ରମଣକାରୀ ସୈଫଙ୍କୁ ଛୁରାମାଡ କରିଥିଲା । ଅଭିନେତାଙ୍କ ମେରୁଦଣ୍ଡରୁ ଛୁରିର ଖଣ୍ଡ ବାହାର କରିଛନ୍ତି ଡାକ୍ତର । ଆଜି ସୈଫ ଆଇସିୟୁରୁ ବାହାରିଛନ୍ତି । ତେବେ ୩ ଦିନ ଭିତରେ ସୈଫ୍ ଡିସଚାର୍ଜ ହୋଇପାରନ୍ତି । ଲୀଲାବତୀ ହସପିଟାଲର ଡାକ୍ତର ସର୍ଜରୀ କରିବା ପରେ ସୈଫଙ୍କ ଶରୀରରୁ ୨.୫ ଇଞ୍ଚର ଛୁରି ବାହାର କରିଥିଲେ । ଆଜି ସୈଫ ଆଇସିୟୁରୁ ବାହାରିଛନ୍ତି । ତେବେ ୩ ଦିନ ଭିତରେ ସୈଫ୍ ଡିସଚାର୍ଜ ହୋଇପାରନ୍ତି । ସୈଫଙ୍କ ଉପରେ ଆକ୍ରମଣ ମାମଲାରେ ବାନ୍ଦ୍ରା ପୋଲିସର ସ୍ପେଶାଲ ଟିମ୍ ସନ୍ଦିଗ୍ଧ ଯୁବକଙ୍କୁ ଗିରଫ କରିଛି । ସନ୍ଦିଗ୍ଧ ଜଣଙ୍କ ସୈଫଙ୍କ ବାନ୍ଦ୍ରା ସ୍ଥିତ ଘରେ ପଶି ତାଙ୍କୁ ଛୁରାମାଡ଼ କରିଥିଲେ । ଗିରଫ ହୋଇଥିବା ବ୍ୟକ୍ତି ନାମ ଶାହିଦ । ପୋଲିସ ତାଙ୍କୁ ପଚରାଉଚରା କରୁଛି । ଗିରଫ ବ୍ୟକ୍ତି ନାମରେ ପୂର୍ବରୁ ୪/୫ଟି ଚୋରି ମାମଲା ରହିଛି । ତେବେ ପରିବାର ପାଇଁ ଜୀବନକୁ ବାଜିରେ ଲଗାଇଥିଲେ ସୈଫ ଅଲ୍ଲୀ ଖାନ । ପୁଅଙ୍କୁ ବଞ୍ଚାଇବାକୁ ଯାଇ ଆହତ ହୋଇଛନ୍ତି ସୈଫ ଅଲ୍ଲୀ ଖାନ । ଏହି ଘଟଣାରେ ସୈଫଙ୍କ ମେରୁଦଣ୍ଡ ନିକଟରେ ଗଭୀର ଆଘାତ ଲାଗିଛି । ନ୍ୟୁରୋ ସର୍ଜରୀ କରାଯାଇଛି । ଆକ୍ରମଣକାରୀ ରାତି ୧.୩୭ ମିନିଟରେ ସୈଫଙ୍କ ଘରୁ ପଶିଥିଲା । ଏହାପରେ ରାତି ୨.୩୩ ମିନିଟରେ ବାହାରକୁ ବାହାରିଥିବା ସିସିଟିଭି ଫୁଟେଜରେ ଦେଖିବାକୁ ମିଳିଛି । ଗୁରବାର ରାତି ୨.୩୦ ସମୟରେ, ଜଣେ ଚୋର ମୁମ୍ବାଇର ବାନ୍ଦ୍ରାରେ ସୈଫ ଅଲ୍ଲୀଙ୍କ ଘରେ ପ୍ରବେଶ କରି ଏକ ଧାରୁଆ ଛୁରୀରେ ଅଭିନେତାଙ୍କ ଉପରେ ଆକ୍ରମଣ କରିଥିଲା । ଘଟଣା ସୈଫଙ୍କ ପୁଅ ତୈମୁର ଓ ଜେଦଙ୍କ ରୁମରେ ହୋଇଥିଲା । ହଠାତ୍ ସୈଫ ତାଙ୍କର ଜଣେ ଘରୋଇ ସହାୟିକାଙ୍କ ଚିତ୍କାର ଶୁଣିଥିଲେ । ଘରୋଇ ସହାୟିକା ଜଣଙ୍କ ସୈଫଙ୍କ ପିଲାମାନଙ୍କ ପାଇଁ ହୋଇଥିବା ରୁମରେ ଶୋଇଥିଲେ । ଦୁର୍ବୃତ୍ତ ଜଣଙ୍କ ପ୍ରଥମେ ସେହି ରୁମରେ ପଶିଥିଲେ । ଦୁର୍ବୃତ୍ତ ଜଣଙ୍କ ଘରୋଇ ସହାୟିକାଙ୍କୁ ଆଘାତ ଦେବାକୁ ପ୍ରୟାସ କରିଥିଲା । ଘରୋଇ ସହାୟିକାଙ୍କ ଚିତ୍କାର ଶୁଣି ସୈଫ ସେଠାକୁ ଦୌଡ଼ି ଯାଇଥିଲେ । ସୈଫ ଦୁର୍ବୃତ୍ତଙ୍କୁ କାବୁ କରିବାକୁ ପ୍ରୟାସ କରିଥିଲେ । ଏହାପରେ ଉଭୟଙ୍କ ମଧ୍ୟରେ ସଂଘର୍ଷ ହୋଇଥିଲା । ଅଭିନେତାଙ୍କୁ ସନ୍ଦିଗ୍ଧ ୬ ଥର ଛୁରାମାଡ଼ କରିଥିଲା । ହେଲେ ଦୁର୍ବୃତ୍ତ ଜଣଙ୍କ ତାଙ୍କୁ ଛୁରୀରେ ଏକାଧିକ ଥର ଆଘାତ କରି ସେଠାରୁ ଫେରାର ହୋଇ ଯାଇଥିଲା । ରାତି ୩.୩୦ ମିନିଟରେ ତାଙ୍କୁ ଲୀଳାବତୀ ହସପିଟାଲରେ ଭର୍ତ୍ତି କରାଯାଇଥିଲା । ସିକ୍ୟୁରିଟି ଗାର୍ଡ ଏବଂ ଡ୍ରାଇଭର ସୈଫଙ୍କୁ ହସ୍ପିଟାଲ ନେଇଥିଲେ । ସିସିଟିଭି ଫୁଟେଜ ଆଧାରରେ ଉଭୟ ସ୍ଥାନୀୟ ପୋଲିସ ଏବଂ ମୁମ୍ବାଇ କ୍ରାଇମବ୍ରାଞ୍ଚ ଏହି ମାମଲାର ତଦନ୍ତ କରୁଛି ।
ଆଇସିୟୁରୁ ବାହାରିଲେ ଅଭିନେତା ସୈଫ ଅଲ୍ଲୀ ଖାଁ
