ବିନା ଟେନସନରେ ପରୀକ୍ଷା ଦେବାକୁ ଛାତ୍ରଛାତ୍ରୀଙ୍କୁ ପ୍ରଧାନମନ୍ତ୍ରୀଙ୍କ ପରାମର୍ଶ

ନୂଆଦିଲ୍ଲୀ: ଆରମ୍ଭ ହେବ ପରୀକ୍ଷା ଋତୁ ।  ବିନା ଟେନସନରେ ପରୀକ୍ଷା ଦେବାକୁ ଛାତ୍ରଛାତ୍ରୀଙ୍କୁ ପ୍ରଧାନମନ୍ତ୍ରୀଙ୍କ ପରାମର୍ଶ ।  ପରୀକ୍ଷା ପୂର୍ବରୁ ଛାତ୍ରଛାତ୍ରୀଙ୍କ ସହ ମନର କଥାରେ ମୋଦି ।  ଚିନ୍ତାମୁକ୍ତ ଓ ଚାପମୁକ୍ତ ରହିବାକୁ କହିଲେ ପ୍ରଧାନମନ୍ତ୍ରୀ । ନିଜ ଉପରେ ବିଶ୍ବାସ ରଖନ୍ତୁ, ବିଶ୍ବାସ ନେତୃତ୍ବ ତିଆରି କରେ ।  ପରୀକ୍ଷାର୍ଥୀଙ୍କ ପାଇଁ ଉତ୍ତମ ସ୍ବାସ୍ଥ୍ୟ ବହୁତ ଜରୁରୀ ବୋଲି କହିଛନ୍ତି ମୋଦି । ପରୀକ୍ଷା ଜୀବନରେ ସବୁ କିଛି ନୁହେଁ । ଜ୍ଞାନ ଓ ପରୀକ୍ଷା ଉଭୟ ଅଲଗା ଅଲଗା।  ସହଜତାର ସହ ଚ୍ୟାଲେଞ୍ଜର ସମ୍ମୁଖୀନ ହୁଅନ୍ତୁ ବୋଲି ପରାମର୍ଶ ଦେଇଛନ୍ତି ମୋଦି ।  ସମୟର ସଦୁପଯୋଗ କରିବା ଛାତ୍ରଛାତ୍ରୀ ଶିଖନ୍ତୁ। ଅନେକ ସମୟରେ ନିଜ ସହ କଥା ହେବା ଜରୁରୀ ।  ରୋଗ ନାହିଁ ଅର୍ଥ ଆମେ ସୁସ୍ଥ ଏହା ବି ଠିକ୍ ନୁହେଁ ।  ଯଥେଷ୍ଟ ନିଦ୍ରା ସହ ସକାଳର ସୂର୍ଯ୍ୟୋଦୟ ମଧ୍ୟ ସ୍ବାସ୍ଥ୍ୟ ପାଇଁ ହିତକର ବୋଲି କହିଛନ୍ତି ପ୍ରଧାନମନ୍ତ୍ରୀ । ଚଳିତ ବର୍ଷ ୫ କୋଟିରୁ ଅଧିକ ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକ ସାମିଲ ହୋଇଛନ୍ତି । ଏଥିରେ ବୋର୍ଡ ପରୀକ୍ଷାକୁ ନେଇ ଚାପ, ଚିନ୍ତା ଓ ପରୀକ୍ଷା ଜନିତ ମାନସିକ ଅବସାଦରୁ କିପରି ବଞ୍ଚିବେ ତାହାର ଉପାୟ ବତାଉଛନ୍ତି ପ୍ରଧାନମନ୍ତ୍ରୀ । ଚଳିତ ବର୍ଷର ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମ ପୂର୍ବ ବର୍ଷର ସମସ୍ତ ରେକର୍ଡକୁ ଭାଙ୍ଗିବ । କାରଣ ଏଥର କାର୍ଯ୍ୟକ୍ରମରେ ଛାତ୍ରଛାତ୍ରୀ, ଅଭିଭାବକ, ଶିକ୍ଷକଙ୍କ ସମେତ ଦେଶର ବିଭିନ୍ନ କ୍ଷେତ୍ରରେ ଖ୍ୟାତି ଅର୍ଜନ କରିଥିବା ବଡ଼ ବଡ଼ ହସ୍ତୀ ସାମିଲ ହୋଇଛନ୍ତି । ସବୁବର୍ଷ ଅପେକ୍ଷା ଚଳିତ ବର୍ଷ ରେକର୍ଡ ସଂଖ୍ୟାରେ ରେଜିଷ୍ଟ୍ରେଶନ୍ ହୋଇଛି । ପାଖାପାଖି ୩.୩୦ କୋଟି ଛାତ୍ରଛାତ୍ରୀ ପିପିସି ପାଇଁ ନାମ ପଞ୍ଜିକରଣ କରିଥିବାବେଳେ ୨୦.୭୧ ଲକ୍ଷ ଶିକ୍ଷକ ଏବଂ ୫.୫୧ ଲକ୍ଷ ଅଭିଭାବକ ଏ ନେଇ ପଞ୍ଜିକରଣ କରିଛନ୍ତି । ପିଲାମାନଙ୍କ ମଧ୍ୟରେ ପରୀକ୍ଷାକୁ ନେଇ ଉପୁଜୁଥିବା ଚାପକୁ ହ୍ରାସ କରିବା ଉଦ୍ଦେଶ୍ୟ ରଖି କେନ୍ଦ୍ର ସରକାରଙ୍କ ଦ୍ୱାରା ଏ କାର୍ଯ୍ୟକ୍ରମର ଆୟୋଜନ କରାଯାଇଛି ।