ନୂଆଦିଲ୍ଲୀ: ଆମେରିକାର ଉତ୍ତର କାରୋଲିନାରେ ଏକ ଭୟଙ୍କର ବିମାନ ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଯାତ୍ରୀ । ହଜାର ହଜାର ଫୁଟ ଉଚ୍ଚତାରେ ଉଡ଼ୁଥିବା ବେଳେ ବିମାନର ଡେଣା ଭାଙ୍ଗି ତଳେ ପଡ଼ିଥିଲା । ଫଳରେ ବିମାନ ଦୁର୍ଘଟଣାର ଶିକାର ହୋଇଥିଲା । ନ୍ୟୁ ଜର୍ସିରେ ବିମାନ ଦୁର୍ଘଟଣାବେଳେ ୧୫ ଜଣ ଯାତ୍ରୀ ଆହତ ହୋଇଥିବା ସୂଚନା ମିଳୁଛି ।
ସୂଚନାନୁଯାୟୀ, ଏପରି ଅଘଟଣ ବୁଧବାର ସନ୍ଧ୍ୟା ଆମେରିକାର ନ୍ୟୁ ଜର୍ସିରେ ଘଟିଥିଲା । ସ୍କାଏଡାଇଭିଂ ବିମାନ ରନୱେକୁ ଅତିକ୍ରମ କରି ଜଙ୍ଗଲରେ ହଠାତ୍ ତା’ର ଡେଣା ଖସି ପଡ଼ିଥିଲା । ଫଳରେ ବିମାନ ଏହାର ଶିକାର ହୋଇ ଦୁର୍ଘଟଣାଗ୍ରସ୍ତ ହୋଇଥିଲା । ଫିଲାଡେଲଫିଆରୁ ପ୍ରାୟ ୩୩.୮ କିଲୋମିଟର ଦକ୍ଷିଣ-ପୂର୍ବ କ୍ରସ୍ କିଜ୍ ବିମାନବନ୍ଦରରେ ୧୫ ଜଣଙ୍କୁ ନେଇ ଯାଉଥିବା ‘ସେସ୍ନା 208B’ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା । ଫଳରେ ଏହି ବିମାନରେ ଥିବା ଯାତ୍ରୀ ଆହତ ହୋଇଥିଲେ ।
ଅନ୍ୟପଟେ ୧୧ଜଣ ଯାତ୍ରୀଙ୍କ ଜରୁରୀକାଳୀନ ବିଭାଗରେ ଚିକିତ୍ସା କରାଯାଉଥିବାବେଳେ ଅନ୍ୟ ଆଉ ୪ଜଣଙ୍କୁ ’’ସାମାନ୍ୟ ଆଘାତ” ଲାଗିଛି । କିନ୍ତୁ ଏପର୍ଯ୍ୟନ୍ତ ଦୁର୍ଘଟଣାର କାରଣ ଜଣାପଡିନାହିଁ । ଏୟାରଫିଲ୍ଡରୁ ନିଆଯାଇଥିବା ଫଟୋଗୁଡ଼ିକ ଜଙ୍ଗଲରେ ଦୁର୍ଘଟଣାଗ୍ରସ୍ତ ବିମାନକୁ କ୍ଷତିଗ୍ରସ୍ତ ଅବସ୍ଥାରେ ଦେଖାଯାଉଛି । ଯାହାର ତଦନ୍ତ ବର୍ତ୍ତମାନ କରାଯାଉଛି ।
