ବେଙ୍ଗାଲୁରୁ: ଥମୁନି ସ୍କୁଲରେ ବୋମା ଆତଙ୍କ । ଦିଲ୍ଲୀ ସହିତ ବେଙ୍ଗାଲୁରୁ ସ୍କୁଲକୁ ପୁଣି ମିଳିଛି ବୋମା ଧମକ । ଦିଲ୍ଲୀର ୨୦ରୁ ଅଧିକ ସ୍କୁଲକୁ ବୋମା ଧମକର ମେଲ୍ ମିଳିଛି । ଏହାରି ମଧ୍ୟରେ ବେଙ୍ଗାଲୁରୁର ୪୦ ସ୍କୁଲକୁ ମଧ୍ୟ ଧକମପୂର୍ଣ୍ଣ ମେଲ୍ ମିଳିଛି । ଯାହା ପରେ ଉତ୍ତେଜନା ସୃଷ୍ଟି କରିଛି ।
ସୂଚନା ପାଇବା ପରେ ତୁରନ୍ତ ଫାୟାର ବିଭାଗ ଏବଂ ଦିଲ୍ଲୀ ପୋଲିସ ଦିଲ୍ଲୀ ସ୍କୁଲରେ ପହଞ୍ଚି ତଦନ୍ତ ଆରମ୍ଭ କରିଛି । ଏହା ସହିତ ବେଙ୍ଗାଲୁରୁ ସ୍କୁଲର ମଧ୍ୟ ତଦନ୍ତ ଆରମ୍ଭ ପୋଲିସ ।
ସୂଚନାନୁଯାୟୀ, ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଆତିଶୀ ମାର୍ଲେନା ଟ୍ୱିଟ୍ କରି ରାଜଧାନୀରେ ପିଲାମାନଙ୍କ ସୁରକ୍ଷା ଉପରେ ପ୍ରଶ୍ନ ଉଠାଇଛନ୍ତି । ଏହା ସହିତ ସେ ଲେଖିଛନ୍ତି ଯେ, ୨୦ରୁ ଅଧିକ ସ୍କୁଲକୁ ବୋମା ଧମକ ମିଳିବା ପରେ ପିଲା, ଗାଡିୟାନ୍ ଏବଂ ଶିକ୍ଷକମାନେ ମନରେ ଆତଙ୍କ ସୃଷ୍ଟି କରିଛି । ଦିଲ୍ଲୀ ଶାସନରେ ୪ଟି ଇଞ୍ଜିନ୍ ବିଜେପି ପାଖରେ ଥାଇ ମଧ୍ୟ ପିଲାମାନଙ୍କୁ ସୁରକ୍ଷା ଯୋଗାଇ ପାରୁନାହିଁ । ଯାହା ଖୁବ୍ ଆଶ୍ଚର୍ଯ୍ୟଜନକ ।
ଏହା ବ୍ୟତୀତ ଆହୁରି କହିଛନ୍ତି ଯେ, ଏହି ସପ୍ତାହର ପ୍ରଥମ ତିନି ଦିନରେ ୧୧ଟି ସ୍କୁଲ ଏବଂ ଗୋଟିଏ କଲେଜ ବୋମା ଧମକର ମେଲ୍ ପାଇଛି । ଯାହା ପରେ, ଆଜି ପୁଣି ଦିଲ୍ଲୀର ୨୦ ରୁ ଅଧିକ ସ୍କୁଲ୍ ଏବଂ ବେଙ୍ଗାଲୁରୁର ୪୦ ଟି ବୋମା ଧମକ ମେଲ୍ ପାଇଛି ।
