ନୂଆଦିଲ୍ଲୀ: ଆଜିଠାରୁ ସଂସଦର ମୌସୁମୀ ଅଧିବେଶନ । ବିଭିନ୍ନ ପ୍ରସଙ୍ଗରେ ଗୃହ ହେବ ହୁଲସ୍ତୁଲ । ଗୃହକୁ ସୁରୁଖୁରୁରେ ଚଳାଇବା ପାଇଁ ସର୍ବଦଳୀୟ ବୈଠକରେ ଆଲୋଚନା ହୋଇଥିଲା। ତେବେ ସରକାରଙ୍କୁ ଘେରିବାକୁ ପ୍ରସ୍ତୁତ ବିରୋଧୀ ।
ପହଲଗାଁଓ ଆତଙ୍କବାଦୀ ଆକ୍ରମଣ, ଅପରେସନ ସିନ୍ଦୁର, ଟ୍ରମ୍ପଙ୍କ ଯୁଦ୍ଧବିରତି ଦାବି ସମ୍ପର୍କିତ ପ୍ରସଙ୍ଗରେ ଆଲୋଚନା ପାଇଁ ସରକାର ରାଜି ଅଛନ୍ତି । ସେପଟେ ବିହାର ଭୋଟର ତାଲିକାରେ ବ୍ୟାପକ ସଂଶୋଧନ ପାଇଁ ଚାଲିଥିବା ସ୍ପେଶାଲ ଇଣ୍ଟେନସିଭ ରିଭିଜନ SIRକୁ ମଧ୍ୟ ବିରୋଧୀ ପ୍ରସଙ୍ଗ କରିବାର ସମ୍ଭାବନା ରହିଛି।
ଅଗଷ୍ଟ ୨୧ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ଅଧିବେଶନରେ ନ୍ୟାସନାଲ ସ୍ପୋର୍ଟସ ଗଭର୍ଣ୍ଣାନ୍ସ ବିଲ, ଆଣ୍ଟି ଡୋପିଂ, ମାଇନ୍ସ ଓ ମିନେରାଲ୍ସ ସଂଶୋଧନ ବିଲ ଭଳି ପ୍ରାୟ ୧୭ଟି ବିଲ ପାରିତ କରିବାକୁ ସରକାର ଲକ୍ଷ୍ୟ ରଖିଛନ୍ତି। ସେପଟେ ଜଷ୍ଟିସ୍ ୟଶୱନ୍ତ ବର୍ମାଙ୍କ ବିରୋଧରେ ମହାଭିଯୋଗ ପ୍ରସ୍ତାବ, ଏୟାର ଇଣ୍ଡିଆ କ୍ରାସ୍ ରିପୋର୍ଟ ଆଦି ପ୍ରସଙ୍ଗରେ ମଧ୍ୟ ଏହି ଅଧିବେଶନରେ ଆଲୋଚନା ହେବ ।
