ବାଲେଶ୍ଵର (ଭିଓଭି) ୨୦/୧୨ : – ଆଜି ସନ୍ଧ୍ୟାରେ ଖପରାପଦାସ୍ଥିତ ହରିପ୍ରିୟା ଇଂଲିଶ ମିଡିୟମ ସ୍କୁଲ ପରିସରରେ ବିଦ୍ୟାଳୟର ଦଶମ ଶିକ୍ଷାବର୍ଷରେ ୮ମ ବାର୍ଷିକ ସାଂସ୍କୃତିକ ଉତ୍ସବ “କିଡ ଫେଷ୍ଟ୍ 2025” ଅନୁଷ୍ଠିତ ହୋଇ ଯାଇଛି । ମୁଖ୍ୟ ଅତିଥି ଭାବେ ବଳାଙ୍ଗି ମହାବିଦ୍ୟାଳୟର ଅଧ୍ୟକ୍ଷ ଡଃ ରତ୍ନାକର ସିଂ ମହୋଦୟ ଅନ୍ୟ ଅତିଥିମାନଙ୍କ ସହିତ ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଉଦଘାଟନ କରିଥିଲେ । କୁନି କୁନି ପିଲାଙ୍କ ଜୀବନରେ ବିଦ୍ୟା ଅଧ୍ୟୟନର ଆବଶ୍ୟକତାକୁ ତାଙ୍କ ବକ୍ତବ୍ୟରେ ସ୍ଥାନ ଦେଇଥିଲେ । ଆୟୁର୍ବେଦ ଭେଷଜ ବିଶେଷଜ୍ଞ ପ୍ରଫେସର ଡଃ ଶାନ୍ତନୁ ଦାସ ମୁଖ୍ୟବକ୍ତା ଭାବେ ତାଙ୍କ ଗଳ୍ପରେ ଶିକ୍ଷଣୀୟ ତଥା ଉପାଦେୟ ବକ୍ତବ୍ୟ ସ୍ରୋତରେ ଅଭିଭାବକଙ୍କ ମନ କିଣି ନେଇଥିଲେ । ବାଲେଶ୍ବରର ପ୍ରିୟ ଶ୍ରୀଯୁକ୍ତ ମନୋଜ ରାଉତ ତଥା ଫକାଲୁ ଭାଇ ଏ ଅନୁଷ୍ଠାନର ପ୍ରୟାସକୁ ଭୂୟସୀ ପ୍ରଶଂସା କରିବା ସହିତ ସବୁ ସମୟରେ ଏ ଅନୁଷ୍ଠାନ ସହିତ ଅଛନ୍ତି ବୋଲି ବକ୍ତବ୍ୟ ରଖିଥିଲେ ।
ଅନୁଷ୍ଠାନର ସମ୍ପାଦକ ତଥା ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ଅନୁପ କୁମାର ପରିଡା ବିଦ୍ୟାଳୟର ବାର୍ଷିକ ବିବରଣୀ ଉପସ୍ଥାପନ କରିଥିଲେ । ଆମ ଅନୁଷ୍ଠାନର ସଦସ୍ୟା ସୁଶ୍ରୀ ଅମିସା ପରିଡା ଅତିଥି ପରିଚୟ ଓ ମଞ୍ଚ ଆମନ୍ତ୍ରଣ କରିଥିଲେ, ଶ୍ରୀଯୁକ୍ତ ଚନ୍ଦ୍ରଶେଖର ନନ୍ଦ ମଞ୍ଚ ପରିଚାଳନା କରିଥିଲେ, ସୁଶ୍ରୀ କ୍ଷଣପ୍ରଭା ମହାନ୍ତି ବିଦ୍ୟାଳୟର ଇତିହାସରୁ ନେଇ ବର୍ତ୍ତମାନ ପରିସ୍ଥିତିର ସମ୍ୟକ ବିଶ୍ଳେଷଣ କରିଥିଲେ, ବିଦ୍ୟାଳୟର ଟ୍ରଷ୍ଟି ଡଃ ଅମୀୟ ତାଲଦି ଧନ୍ୟବାଦ ଅର୍ପଣ କରିଥିଲେ । ବିଦ୍ୟାଳୟର ଶିକ୍ଷୟତ୍ରୀ ଶ୍ରୀମତୀ ସ୍ବାଗତିକା ପଣ୍ଡା, ଶ୍ରୀମତୀ ରଶ୍ମିତା ରାଉତ, ଶ୍ରୀମତୀ ସୂଜାମିନୀ ବେହେରା, ସୁଶ୍ରୀ ରଚିତା କୋୟେଲ୍, ନୃତ୍ୟ ଶିକ୍ଷକ ରିଙ୍କୁ ସାର୍, ଆୟା ବର୍ଷା, ନସିମା ତଥା ପୁସ୍ପାଙ୍କ ଅକ୍ଲାନ୍ତ ପରିଶ୍ରମ ଓ ସହଯୋଗରେ ଶିଶୁ କଳାକାରଙ୍କ ଦ୍ବାରା ପରିବେଶିତ ନାଚ, ନାଟକ ଇତ୍ୟାଦି ଦର୍ଶକଙ୍କ ମନ କିଣି ନେଇଥିଲେ, କୃତୀ ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରାଯାଇଥିଲା ।
